ഇടുക്കിയിൽ ധനമന്ത്രിയുടെ 100 രൂപ മാജിക്​; എല്ലാം​ ടോക്കൺ പദ്ധതി (lead)

​*ബജറ്റിൽ 20 ശതമാനം തുക മാറ്റി​െവച്ച പദ്ധതികൾ നാമമാത്രം *തൊടുപുഴയുടെ ആവശ്യങ്ങൾ തീർത്തും തള്ളി *ഇടുക്കി മെഡിക്കൽ കോളജിനും​ ബജറ്റിൽ 100 * മന്ത്രി 'മണിയുടെ ആശുപത്രി'ക്കും​ 100 തൊടുപുഴ: കൊട്ടിഗ്​ഘോഷിച്ച്​ ജില്ലക്കായി പ്രഖ്യാപിച്ചതിൽ നാമമാത്ര പദ്ധതികൾക്കൊഴികെ ബജറ്റിൽ തുകയില്ല. 1000 കോടിയുടെ പദ്ധതിയെന്നാണ്​ ഭരണപക്ഷ എം.എൽ.എമാർ കണക്ക്​ നിരത്തിയത്​. ഇതിൽ 44 കോടിയുടെ പദ്ധതികൾക്ക്​ മാത്രമാണ്​ 20 ശതമാനം തുക വകയിരുത്തിയിട്ടുള്ളത്​. ബാക്കി മുഴുവൻ പദ്ധതികൾക്കും 100 രൂപ വീതം ടോക്കൺ പ്രൊവിഷൻ മാത്രം. വർഷങ്ങളായി ഉദ്ഘാടനം കാത്തുകിടക്കുന്ന തൊടുപുഴ കെ.എസ്.ആർ.ടി.സി ബസ് സ്​റ്റാൻഡിന് രണ്ടുകോടിയാണ്​ ബജറ്റ് പ്രഖ്യാപനം. അനുവദിച്ചതാകട്ടെ വെറും 100 രൂപ. എം.എൽ.എമാർ ചോദിച്ച വികസന പദ്ധതികൾ വാരിക്കോരി ബജറ്റിൽ ഉൾപ്പെടുത്തിയത്​ 100 രൂപ മാത്രം നീക്കിവെച്ചുകൊണ്ടാണ്​. പദ്ധതി ബജറ്റിൽ ഉൾപ്പെടുത്താൻ വേണ്ടിയാണ് ഇതെന്നും പിന്നീട് കൂടുതൽ തുക അനുവദിക്കും എന്നുമാണ് വാഗ്​ദാനം. എന്നാൽ, പദ്ധതി തുകയുടെ 20 ശതമാനം എങ്കിലും നീക്കിവെച്ചാൽ മാത്രമേ ഭരണാനുമതി കിട്ടൂ. തൊടുപുഴ മണ്ഡലത്തിലെ 20 പ്രവൃത്തികൾക്കാണ് ബജറ്റിൽ തുക അനുവദിക്കണമെന്ന് പി.ജെ. ജോസഫ് എം.എൽ.എ ധനമന്ത്രിക്ക് കത്ത് നൽകിയിരുന്നത്. കിട്ടിയത്​ ഒരു റോഡിനുമാത്രം. ബാക്കി പ്രവൃത്തികൾക്ക് 100 രൂപ വീതം ടോക്കൺ പ്രൊവിഷൻ. തൊടുപുഴ ടൗൺ റോഡ്​ നവീകരണത്തിന്​ ആറുകോടിയുടെ എസ്​​റ്റിമേറ്റ്​. എന്നാൽ, തുക 100 മാത്രം. മാരിയിൽ കടവ് പാലത്തി​ൻെറ അപ്രോച്ച് റോഡ്, ഒളമറ്റം കമ്പിപ്പാലം, തൊടുപുഴ സ്​റ്റേഡിയം, അഗ്നിരക്ഷ നിലയം കെട്ടിടനിർമാണം, തൊടുപുഴ നഗരസഭ സൗന്ദര്യവത്​കരണം, കരിങ്കുന്നം-വടക്കുംമുറി-പുറപ്പുഴ റോഡ്, കാരിക്കോട്-അഞ്ചിരി-ആനക്കയം-കാഞ്ഞാർ റോഡ്, മുളപ്പുറം-അനിക്കുഴ റോഡ്, പെരുമാകണ്ടം പടി കോടിക്കുളം-ചീനിക്കുഴി കോട്ട റോഡ്, മുട്ടം ബൈപാസ്, കലയന്താനി-ചിലവ്-കരിമണ്ണൂർ റോഡ്, ഒളമറ്റം കമ്പിപ്പാലം, തൊടുപുഴ സ്​​േറ്റഡിയം, മലങ്കര പാർക്കിന്​ സ്ഥലമെടുപ്പ് തുടങ്ങിയ പദ്ധതികൾക്കെല്ലാം വകയിരുത്തിയത്​ 100 രൂപ വീതം. ഇടുക്കി മെഡിക്കൽ കോളജിനും നൂറുരൂപ തന്നെ. മന്ത്രി എം.എം. മണിയുടെ മണ്ഡലമായ ഉടുമ്പൻചോലയിൽ 650 കോടിയുടെ മെഡിക്കൽ കോളജാണ്​ വാഗ്​ദാനം പക്ഷേ, തുക വകിയിരുത്തിയിരിക്കുന്നത്​ 100 രൂപ ടോക്കൺ. ഇടുക്കി, പീരുമേട് മണ്ഡലങ്ങളിലും ലഭിച്ചതിൽ ഏറെയും ടോക്കൻ പദ്ധതികൾ മാത്രമാണ്. ഇടുക്കിയെ അവഗണിച്ചു, അവഹേളിച്ചു -ജോസഫ്​ വിഭാഗം തൊടുപുഴ: ഇടതുസർക്കാറി​ൻെറ ബജറ്റിൽ ജില്ലയെ തുടർച്ചയായി അവഗണിക്കുകയും അവഹേളിക്കുകയും ചെയ്തിരിക്കുകയാണെന്ന് കേരള കോൺഗ്രസ്​ ജോസഫ് ജില്ല പ്രസിഡൻറ്​ പ്രഫ. എം.ജെ. ജേക്കബ് വാർത്തസമ്മേളനത്തിൽ ആരോപിച്ചു. ഇടുക്കി ജില്ലക്ക്​ ലഭിച്ചത് 100 രൂപ പദ്ധതികൾ മാത്രമാണ്​. എസ്​റ്റിമേറ്റ് തുകയുടെ 20ശതമാനം വകയിരുത്താത്ത ഒരുജോലിക്കും ഭരണാനുമതി നൽകാൻ സർക്കാറിന്​ നിയമപരമായി കഴിയില്ല. എന്നിരിക്കെയാണ് സർക്കാർ ജനങ്ങളെ വഞ്ചിച്ചിരിക്കുന്നത്. ജില്ലയുടെ അടിസ്ഥാന പ്രശ്​നങ്ങൾ പരിഹരിക്കാൻ കാര്യമായ ഒരു നിർദേശങ്ങളും ബജറ്റിലില്ല. ബജറ്റിൽ തുക വകയിരുത്താതെ കഴിഞ്ഞ ബജറ്റ് ചർച്ച വേളയിൽ ഇടുക്കി പാക്കേജ് പ്രഖ്യാപിച്ച ധനമന്ത്രി ഇടുക്കിയിലെ ജനങ്ങളെ കബളിപ്പിച്ചു. തുക വകയിരുത്താതെ പാക്കേജ് നടപ്പിലാക്കാൻ കഴിയില്ലെന്ന് എല്ലാവർക്കുമറിയാം. ഇത്തവണയും ഇത്​ ആവർത്തിച്ചിരിക്കുകയാണ്. ജില്ലയിലെ ജനങ്ങളെ ഏറ്റവുമധികം ബാധിക്കാൻ പോകുന്ന ഭൂപ്രശ്​നങ്ങളിൽ നിയമഭേദഗതി സംബന്ധിച്ച്​ ബജറ്റ് മൗനം പാലിച്ചിരിക്കുകയാണ്. ജില്ലയിലെ കർഷകർ നേരിടുന്ന വന്യജീവികളുടെ ആക്രമണം പരിഹരിക്കാനും നിർദേശമില്ല. ഇടുക്കി മെഡിക്കൽ കോളജി​ൻെറ നിർമാണം ഒച്ചിഴയുന്ന വേഗത്തിലാണ്. ഈ നിലയിൽ പോയാൽ മെഡിക്കൽ കോളജിന് അംഗീകാരം നേടാൻ വർഷങ്ങളെടുക്കും. ഇടുക്കി നിയോജകമണ്ഡലത്തിന്​ ബജറ്റിൽ വലിയ പരിഗണന കിട്ടിയെന്ന്​ പ്രസ്​താവനയിറക്കിയ എം.എൽ.എ ജനങ്ങളെ കബളിപ്പിച്ചിരിക്കുകയാണ്​. റോഡുകൾക്കെല്ലാം 100 രൂപ ടോക്കൺ മാത്രം. റോഡുകളുടെ എസ്​റ്റിമേറ്റ് തുക ബജറ്റിൽ വകയിരുത്തിയ തുകയെന്ന രീതിയിൽ അവതരിപ്പിച്ചിരിക്കുകയാണെന്നും ജേക്കബ് ആരോപിച്ചു. മുൻ എം.എൽ.എ മാത്യു സ്​റ്റീഫൻ, അഡ്വ. ജോസഫ് ജോൺ, അഡ്വ. ജോസി ജേക്കബ്, മനോഹർ നടുവിലേടത്ത്, ഫിലിപ് ചേരിയിൽ എന്നിവരും വാർത്തസമ്മേളനത്തിൽ പങ്കെടുത്തു.