ബലാത്സംഗ കേസിൽ 10 വർഷം കഠിനതടവ്​

മുട്ടം: ശാരീരികവൈകല്യമുള്ള സ്ത്രീയെ ബലാത്സംഗം ചെയ്ത കേസിൽ പ്രതിക്ക് 10 വർഷം കഠിനതടവും 50,000 രൂപ പിഴയും. വട്ടവട ഉള്ളംകാട് പരമനെയാണ്​ (49) തൊടുപുഴ നാലാം അഡീഷനൽ ഡിസ്ട്രിക്ട്​ ആൻഡ്​​ സെഷൻസ് ജഡ്ജി പി.വി. അനീഷ് കുമാർ ശിക്ഷിച്ചത്. പിഴ അടച്ചില്ലെങ്കിൽ ഒരു വർഷംകൂടി തടവ് അനുഭവിക്കണം. പിഴത്തുകയായ 50,000 രൂപയിൽ 45,000 ഇരക്ക്​ നൽകണം. ജില്ല ലീഗൽ സർവിസ് അതോറിറ്റി ഇരക്ക്​ പര്യാപ്തമായ നഷ്ടപരിഹാരം നൽകാനും കോടതി വിധിച്ചു. വട്ടവട ഉള്ളംകാട് ഭാഗത്ത് 2015 മാർച്ച് 12 ന് രാവിലെ 11നാണ്​ കേസിനാസ്പദമായ സംഭവം. ദേവികുളം സി.ഐ ടി.എ. യൂനുസ് അന്വേഷിച്ച കേസിൽ പ്രോസിക്യൂഷനുവേണ്ടി അഡീഷനൽ പബ്ലിക് പ്രോസിക്യൂട്ടർ എബി ഡി. കോലോത്ത് ഹാജരായി. tdl mltm 3 പരമൻ (49)