ഇടുക്കിയിലെ രണ്ട് റോഡിന്​ 10 കോടി

​െതാടുപുഴ: ഇടുക്കി നിയോജക മണ്ഡലത്തിലെ രണ്ട് റോഡി​ൻെറ നിർമാണത്തിന്​ പൊതുമരാമത്തുവകുപ്പ് 10​ കോടി രൂപ അനുവദിച്ചതായി മന്ത്രി റോഷി അഗസ്​റ്റിൻ അറിയിച്ചു. കഞ്ഞിക്കുഴി പഞ്ചായത്തിലെ ചുരുളി-ആല്‍പാറ-മഴുവടി കോളനി-കൊച്ചുചേലച്ചുവട് റോഡ്, കൊന്നത്തടി പഞ്ചായത്തിലെ പാറത്തോട് ടൗണ്‍-കാര്‍ഷിക വിപണി-പള്ളിക്കമാലിപ്പടി-ഇരുമലക്കപ്പ്-ചിന്നാര്‍നിരപ്പ്-ചെമ്പകപ്പാറ റോഡ് എന്നിവക്കാണ് തുക അനുവദിച്ചത്. സംസ്ഥാന ബജറ്റില്‍ ഈ സാമ്പത്തികവര്‍ഷം ഉള്‍പ്പെടുത്തിയ പ്രധാന റോഡുകളാണിവ. വിവിധ വാര്‍ഡുകളില്‍ക്കൂടി കടന്നുപോകുന്ന പ്രധാന ഗ്രാമീണ റോഡുകളായ ഇവ പൊതുമരാമത്ത് വകുപ്പിന് കൈമാറുന്നതിന് പഞ്ചായത്ത് തയാറായതോടെയാണ് നിര്‍മാണത്തിന് തുക അനുവദിക്കാനായത്. കഞ്ഞിക്കുഴി പഞ്ചായത്തിലെ ആറാംകൂപ്പ്-ഏഴാംകൂപ്പ്-പകുതിപ്പാലം റോഡിന് 10 കോടി രൂപയു​െടയും ഇടക്കാട് -കത്തിപ്പാറ റോഡിൻെറ നിർമാണം ഉടന്‍ ആരംഭിക്കുമെന്നും മന്ത്രി പറഞ്ഞു. .................................. എക്സൈസ് കൺട്രോൾ റൂം തുറന്നു തൊടുപുഴ: ക്രിസ്മസ്-പുതുവത്സര ആഘോഷത്തിൻെറ മറവിൽ മദ്യ-മയക്കുമരുന്ന് കുറ്റകൃത്യങ്ങൾ ഉണ്ടാകുന്നത് തടയുന്നതിന്​ ഇടുക്കി എക്സൈസ് ഡിവിഷൻ ഓഫിസിൽ 24 മണിക്കൂറും പ്രവർത്തിക്കുന്ന കൺട്രോൾ റൂം പ്രവർത്തനം തുടങ്ങി. വ്യാജമദ്യ മയക്കുമരുന്നുകളെക്കുറിച്ച് ലഭിക്കുന്ന വിവരങ്ങൾ പൊതുജനങ്ങൾക്ക് തൊടുപുഴയിൽ പ്രവർത്തിക്കുന്ന എക്സൈസ് വകുപ്പി​ൻെറ ഡിവിഷനൽ കൺട്രോൾ റൂമിൽ ടോൾഫ്രീ നമ്പർ ഉൾപ്പെടെയുള്ള നമ്പറുകളിൽ അറിയിക്കാം. വിവരങ്ങളിൽ അടിയന്തര നടപടി സ്വീകരിക്കുന്നതിന് സർക്കാർതലത്തിൽ 24 മണിക്കൂറും പ്രവർത്തിക്കുന്ന സ്ട്രൈക്കിങ് ഫോഴ്സ് ടീമിനെ നിയമിച്ചിട്ടുണ്ട്. ജില്ലതല എക്സൈസ് കൺട്രോൾ റൂം - ടോൾഫ്രീ നമ്പർ 18004253415, ഹോട്ട് ലൈൻ നമ്പർ-155358 അസി.എക്സൈസ് കമീഷണർ (എൻഫോഴ്സ്മൻെറ്​), ഇടുക്കി - 048622 32469, 9496002866, സ്പെഷൽ സ്ക്വാഡ് ഇടുക്കി - 04862232469,9400069532, നാർക്കോട്ടിക് എൻഫോഴ്സ്മൻെറ്​ സ്ക്വാഡ്, അടിമാലി -04864225782, 9400069534, ഡെപ്യൂട്ടി എക്സൈസ് കമീഷണർ ഇടുക്കി, തൊടുപുഴ- 04862222493, 9447178058. ........................... ലഹരിക്കേസ്: രണ്ട്​ മാസത്തിനിടെ പിടിയിലായത്​ 75 പേർ തൊടുപുഴ: ജില്ലയിൽ കഞ്ചാവ്​ ഉൾപ്പെടെയുള്ള ലഹരി വസ്​തുക്കളുടെ വിൽപനയും ഉപയോഗവും കൂടിവരുന്നു. രണ്ട്​ മാസത്തിനിടെ 75 പേരെയാണ്​ കഞ്ചാവ്​, ലഹരി മരുന്ന്​ കേസുകളുമായി ബന്ധപ്പെട്ട്​ ജില്ലയുടെ വിവിധ ഭാഗങ്ങളിൽനിന്നായി പിടികൂടിയത്​. നാലരക്കിലോ കഞ്ചാവും 17 ഗ്രാം ഹഷീഷ്​ ഓയിലും 171 മില്ലിഗ്രാം എം.ഡി.എം.എയുമാണ്​ ഇവരിൽനിന്ന്​ പിടികൂടിയത്​. പിടിക്കപ്പെട്ടവരിൽ കൂടുതലും യുവാക്കളാണ്​. യുവതികളും വിദ്യാർഥികളും ഇവരുടെ സംഘത്തിലുണ്ട്​. സിന്തറ്റിക്​ ലഹരിമരുന്നുകളുടെ ഉപയോഗവും വിൽപനയും ജില്ലയിൽ കൂടിവരുന്നതായി​ എക്​സൈസ്​ വ്യക്തമാക്കി.