ഗേറ്റ് അപകടാവസ്ഥയില്‍; കുട്ടികള്‍ക്ക് ഭീഷണി

അടിമാലി: മാങ്കുളം പഞ്ചായത്തിലെ സിങ്കുകണ്ടം അംഗൻവാടിയിലെ ഗേറ്റ് ഇടിഞ്ഞ് അപകടാവസ്ഥയിലായത് കുട്ടികള്‍ക്ക് ഭീഷണിയാകുന്നു. അറ്റകുറ്റപ്പണി നടത്താതെ അപകടാവസ്ഥയിലായ ഗേറ്റും മതിലും അടുത്തിടെയാണ്​ ഇടിഞ്ഞത്​. ഇതിനോട്​ ചേര്‍ന്നാണ് കുട്ടികള്‍ അംഗന്‍വാടിയിലേക്ക് വരുന്നതും പോകുന്നതും. കൂടാതെ സമീപത്തുനിന്നുള്ള മലിനജലം അംഗൻവാടിയുടെ മുറ്റത്ത് പരന്ന് ഒഴുകുകയാണ്​. ഇത് കെട്ടിടം അപകടാവസ്ഥയിലാകാന്‍ ഇടവരുത്തുന്നതായി രക്ഷിതാക്കള്‍ പറഞ്ഞു. ഇത്​മൂലം കുട്ടികളെ കളിക്കാനോ മറ്റ് വിനോദത്തിനോ പുറത്തിറക്കാന്‍ പറ്റുന്നില്ല. ഗേറ്റ് തകര്‍ന്നതോടെ തെരുവ് നായ്​ക്കളും മറ്റും അംഗന്‍വാടി താവളമാക്കിയിരിക്കുകയാണ്​. idl adi 2 anganvadi ചിത്രം..സിങ്കുകണ്ടം അംഗന്‍വാടിയിലെ ഗേറ്റ് തകര്‍ന്ന നിലയില്‍