നേച്വർ ക്യാമ്പ് സമാപിച്ചു

മൂന്നാർ: ഇടുക്കി യൂത്ത് ഹോസ്റ്റൽസ്​ അസോസിയേഷൻ വനം വന്യജീവി വകുപ്പ്, ഇരവികുളം നാഷനൽ പാർക്ക്​ എന്നിവയുമായി സഹകരിച്ച് പാമ്പാടുംചോല ദേശീയ ഉദ്യാനത്തിൽ സംഘടിപ്പിച്ച ദ്വിദിന നേച്വർ ക്യാമ്പി‍ൻെറ ആദ്യബാച്ച് സമാപിച്ചു. വട്ടവടയിലെ കൃഷിഫാമുകൾ സന്ദർശിച്ചായിരുന്നു ക്യാമ്പി‍ൻെറ തുടക്കം. കാട്ടുപോത്തുകൾ ഉൾപ്പെടെ എല്ലായിനം വന്യജീവികളും ഉള്ള പാമ്പാടുംചോലയിലെ താമസവും വനയാത്രയും അംഗങ്ങൾക്ക് വേറിട്ട അനുഭവമായി. യൂത്ത് ഹോസ്റ്റൽസ്​ അസോസിയേഷൻ ഓഫ് ഇന്ത്യ സംസ്ഥാന സെക്രട്ടറിയും ദേശീയ പരിസ്ഥിതി സംരക്ഷണ സമിതി ചെയർമാനുമായ ജെ. ഷൈൻ ഉദ്ഘാടനം ചെയ്തു. ഇടുക്കി യൂത്ത് ഹോസ്റ്റൽസ്​ അസോസിയേഷൻ പ്രസിഡന്‍റ്​ എൻ. രവീന്ദ്രൻ അധ്യക്ഷത വഹിച്ചു. ഷിജുമോൻ ലൂക്കോസ്​ ട്രെക്കിങ്ങിന് നേതൃത്വം നൽകി. അസിസ്റ്റന്‍റ്​ വൈൽഡ് ലൈഫ് വാർഡൻ അരുൺ കെ. നായർ ക്ലാസുകൾക്ക് നേതൃത്വം നൽകി. മുപ്പത്തഞ്ചോളം പേർ ക്യാമ്പിൽ പ​​ങ്കെടുത്തു. ചിത്രം: TDL Nature camp ഇടുക്കി യൂത്ത് ഹോസ്റ്റൽസ്​ അസോസിയേഷൻ പാമ്പാടുംചോല ദേശീയ ഉദ്യാനത്തിൽ സംഘടിപ്പിച്ച ദ്വിദിന നേച്വർ ക്യാമ്പ് അംഗങ്ങൾ ട്രെക്കിങ്ങിൽ വിശിഷ്ടാതിഥികളോടൊപ്പം ലോഗോ പ്രകാശനം നാളെ തൊടുപുഴ: ജില്ല സ്​പോർട്സ്​ കൗൺസിൽ സംഘടിപ്പിക്കുന്ന സംസ്ഥാന യൂത്ത്​ വോളിബാൾ ചാമ്പ്യൻഷിപ്പി‍ൻെറ ലോഗോ പ്രകാശനം വെള്ളിയാഴ്ച രാവിലെ 11.30ന്​ തൊടുപുഴ പ്രസ് ക്ലബിൽ പി.ജെ. ജോസഫ് എം.എൽ.എ നിർവഹിക്കും. 14 ജില്ലയിൽനിന്നായി പുരുഷ/വനിത വിഭാഗങ്ങളിൽ 28 ടീമാണ് പങ്കെടുക്കുന്നത്. തൊടുപുഴ നഗരസഭ ചെയർമാൻ സനീഷ്​ ജോർജി‍ൻെറ അധ്യക്ഷതയിൽ ചേർന്ന സംഘാടക സമിതി യോഗത്തിൽ സംസ്ഥാന സ്​പോർട്സ് ​കൗൺസിൽ അംഗം കെ.എൽ. ജോസഫ് അധ്യക്ഷത വഹിച്ചു. തൊടുപുഴ മുനിസിപ്പൽ മൈതാനത്ത് പ്രത്യേകം തയാറാക്കുന്ന ഗാലറിയോടുകൂടിയ ഫ്ലഡ്​ലൈറ്റ്​ സ്​റ്റേഡിയത്തിൽ പകലും രാത്രിയുമായി ഈ മാസം 24 മുതൽ 31 വരെയാണ്​ മത്സരങ്ങൾ.