പതിനേഴുകാരിയെ പീഡിപ്പിച്ച കേസില്‍ ഒരാള്‍കൂടി അറസ്റ്റില്‍

തൊടുപുഴ: ജോലി വാഗ്​ദാനം ചെയ്ത് പതിനേഴുകാരിയെ പീഡനത്തിനിരയാക്കിയ കേസില്‍ ഒരാള്‍കൂടി അറസ്റ്റില്‍. തൊടുപുഴ ബംഗ്ലാംകുന്ന് എടനാട്ട് പുരയിടത്തില്‍ വിനീഷ് വിജയനെയാണ് ​(39) സി.ഐ വി.സി. വിഷ്ണുകുമാറിന്‍റെ നേതൃത്വത്തില്‍ അറസ്റ്റ്​ ചെയ്തത്. പെണ്‍കുട്ടിയുടെ മാതാവ്​ അടക്കം 12 പേരെ കേസുമായി ബന്ധപ്പെട്ട് ഇതുവരെ പൊലീസ് അറസ്റ്റ്​ ചെയ്തു. തന്നെ പീഡിപ്പിച്ചതായി പെണ്‍കുട്ടിയുടെ മൊഴിയില്‍ പറഞ്ഞ പ്രതികളെയാണ് ഇതുവരെ അറസ്റ്റ്​ ചെയ്തത്. സംഭവത്തില്‍ കൂടുതല്‍ പേര്‍ ഉള്‍പ്പെട്ടിട്ടുണ്ടോയെന്ന അന്വേഷണത്തിലാണ് പൊലീസ്.