സ്മാർട്ട് വില്ലേജ്​ ഓഫിസ് ഉദ്​ഘാടനം നാളെ

ചെറുതോണി: റീബിൽഡ് കേരള പദ്ധതിയിൽപെടുത്തി നിർമിച്ച ഉപ്പുതോട് സ്മാർട്ട് വില്ലേജ്​ ഓഫിസ് മന്ദിരത്തിന്‍റെ ഉദ്​ഘാടനം വ്യാഴാഴ്ച ഉച്ചക്ക്​ രണ്ടിന്​ റവന്യൂ മന്ത്രി കെ. രാജൻ നിർവഹിക്കും. സെന്‍റ്​ ജോസഫ് പാരിഷ് ഹാളിൽ നടക്കുന്ന ചടങ്ങിൽ മന്ത്രി റോഷി ആഗസ്റ്റിൻ അധ്യക്ഷത വഹിക്കും. ഡീൻ കുര്യാക്കോസ് എം.പി മുഖ്യപ്രഭാഷണം നടത്തും. വില്ലേജ്​ ഓഫിസിന് സ്ഥലം സൗജന്യമായി നൽകിയ ഉപ്പുതോട് പള്ളി വികാരി ഫിലിപ്പ് പെരുന്നാട്ട്, തങ്കച്ചൻ ഇടശേരിക്കുന്നേൽ, ജോസഫ് പുളിക്കൽ എന്നിവരെ ആദരിക്കും. കുടിയേറ്റഗ്രാമമായ ഉപ്പുതോട്ടിൽ 1987ൽ യു.ഡി.എഫ് സർക്കാറിന്‍റെ കാലത്ത് റവന്യൂ മന്ത്രിയായിരുന്ന പി.ജെ. ജോസഫാണ് വില്ലേജ്​ ഓഫിസ് അനുവദിച്ചത്. ഫോട്ടോ വ്യാഴാഴ്ച റവന്യൂമന്ത്രി കെ. രാജൻ ഉദ്​ഘാടനം ചെയ്യുന്ന ഉപ്പുതോട് വില്ലേജ്​ ഓഫിസ് മന്ദിരം