സൗഹൃദ ഇഫ്താർ സംഗമം

Must തൊടുപുഴ: ഡയലോഗ്​ സെന്‍റർ തൊടുപുഴ ചാപ്​റ്റർ ആഭിമുഖ്യത്തിൽ സംഘടിപ്പിച്ചു. മുനിസിപ്പൽ ചെയർമാൻ സനീഷ്​ ജോർജ്​ ഉദ്​ഘാടനം നിർവഹിച്ചു. വർത്തമാനകാലത്ത്​ എല്ലാ ഭിന്നതകളും മറന്നുള്ള മനുഷ്യരുടെ ഒത്തുചേരൽ അനിവാര്യമാണെന്ന്​ അദ്ദേഹം പറഞ്ഞു. ദുരന്തങ്ങളുണ്ടാകുമ്പോൾ മാത്രം ഒന്നിച്ചുനിൽക്കേണ്ടവരല്ല. മറ്റുള്ളവരുടെ സങ്കടങ്ങൾ അറിയാനും പരസ്​പരം സഹായിക്കാനും ഓരോരുത്തരും മുന്നിട്ടിറങ്ങേണ്ട കാലമാണിത്​. മനുഷ്യബന്ധങ്ങൾ കൂടുതൽ ആഴത്തിലുള്ളതാകാൻ ഇഫ്താർ സംഗമം പോലുള്ള ഒത്തുചേരലുകൾ സഹായിക്കുമെന്നും സനീഷ്​ ജോർജ്​ പറഞ്ഞു. സെന്‍റർ രക്ഷാധികാരി ഷാജഹാൻ നദ്​വി അധ്യക്ഷത വഹിച്ചു. കുഞ്ഞുമുഹമ്മദ്​ പുലവത്ത്​ റമദാൻ സന്ദേശം നൽകി. ഡോ. ജോസഫ്​ സ്റ്റീഫൻ ചാഴികാട്ട് സംസാരിച്ചു. കൺവീനർ പി.പി. അനസ്​ സ്വാഗതവും പി.പി. കാസിം മൗലവി നന്ദിയും പറഞ്ഞു. ചിത്രം TDL Ifthar : ഡയലോഗ്​ സെന്‍റർ തൊടുപുഴ ചാപ്​റ്റർ സംഘടിപ്പിച്ച നഗരസഭ ചെയർമാൻ സനീഷ്​ ജോർജ്​ ഉദ്​ഘാടനം ചെയ്യുന്നു