അടിമാലി മാര്‍ക്കറ്റ് ജങ്​ഷനില്‍ മിറര്‍ സ്ഥാപിക്കണമെന്ന്​ ആവശ്യം

അടിമാലി: അടിമാലി ടൗണില്‍ മാര്‍ക്കറ്റ് ജങ്​ഷന്‍ ഭാഗത്ത് കെര്‍വിഡ് കോണ്‍വെക്‌സ് മിറര്‍ സ്ഥാപിക്കണമെന്നാവശ്യം. ടൗണില്‍ ഏറ്റവും തിരക്കേറിയ ജങ്​ഷനുകളില്‍ ഒന്നാണ് മാര്‍ക്കറ്റ് ജങ്ക്ഷന്‍. ടൗണില്‍ നിന്നും മന്നാങ്കാല ഭാഗത്തു നിന്നും വരുന്ന വാഹനങ്ങള്‍ മാത്രമല്ല, സമീപത്തെ സ്വകാര്യ ആശുപത്രിയിലേക്കും പോസ്‌റ്റ്​ ഓഫിസിലേക്കുമൊക്കെയുള്ള വാഹനങ്ങളും ഈ ജങ്​ഷന്‍ വഴിയാണ് കടന്നുപോകുന്നത്. ടൗണിന്‍റെ മറ്റൊരു ഭാഗത്ത് അവസാനിക്കുന്ന ചെറിയൊരു ബൈപാസ് റോഡും ഈ ജങ്​ഷനില്‍ നിന്നാരംഭിക്കുന്നുണ്ട്. വാഹനങ്ങളുടെ തിരക്കേറുന്നതോടെ പലപ്പോഴുമിവിടെ അപകടം സംഭവിക്കാറുണ്ട്. ഈ സാഹചര്യത്തിലാണ് ജങ്​ഷനില്‍ കെര്‍വിഡ് കോണ്‍വെക്‌സ് മിറര്‍ സ്ഥാപിക്കണമെന്ന ആവശ്യം. ജങ്​ഷനില്‍ ബൈപാസ് റോഡാരംഭിക്കുന്നതിന് അഭിമുഖമായി മിറര്‍ സ്ഥാപിച്ചാല്‍ എതിര്‍ ദിശകളില്‍നിന്ന്​ വാഹനങ്ങള്‍ വരുന്നുണ്ടോയെന്ന് തിരിച്ചറിഞ്ഞ് വാഹന യാത്രികര്‍ക്ക് മുമ്പോട്ടുപോകാനാകും. ഈ ഭാഗത്തായി ഓട്ടോറിക്ഷ സ്റ്റാന്‍ഡും പ്രവര്‍ത്തിക്കുന്നുണ്ട്. idl adi 3 mirur ചിത്രം: മിറര്‍ സ്ഥാപിക്കണമെന്ന്​ ആവശ്യമുയരുന്ന ഭാഗം