വീട്ടുവളപ്പിൽ കഞ്ചാവ് നട്ടുവളർത്തിയ കേസിൽ നാലുവർഷം കഠിനതടവ്​

മുട്ടം: വീട്ടുവളപ്പിൽ കഞ്ചാവ് ചെടികൾ നട്ടുവളർത്തിയ കേസിലെ പ്രതിക്ക് നാലുവർഷം കഠിനതടവും ഒരുലക്ഷം രൂപ പിഴയും. ചിന്നാർ സിങ്ക്കണ്ടം ചെമ്പകത്തൊഴുത്ത് ആലക്കൽ കരുണാകരനെയാണ് (53) തൊടുപുഴ എൻ.ഡി.പി.എസ് ജഡ്ജി ജി. അനിൽകുമാർ ശിക്ഷിച്ചത്. 2016 ഒക്ടോബർ 24നാണ്​ കേസിനാസ്പദമായ സംഭവം. വീടിന്‍റെ പുറകുവശത്ത് എട്ട്​ കഞ്ചാവ് ചെടികൾ നട്ടുവളർത്തി പരിപാലിച്ച ഇയാളെ ശാന്തൻപാറ പൊലീസാണ്​ അറസ്റ്റ്​ ചെയ്തത്​. പ്രോസിക്യൂഷുവേണ്ടി സ്‌പെഷൽ പബ്ലിക് പ്രോസിക്യൂട്ടർ അഡ്വ. ബി. രാജേഷ് ഹാജരായി.