മണ്ണെണ്ണ വിലവർധനക്കെതിരെ റേഷൻ വ്യാപാരികൾ

പീരുമേട്: റേഷൻ മണ്ണെണ്ണ വില 81 രൂപയായി വർധിപ്പിച്ചത് റേഷൻ വ്യാപാരികളെ ബുദ്ധിമുട്ടിലാക്കിയെന്ന് കേരള സ്റ്റേറ്റ് റേഷൻ റീട്ടെയിൽ ഡീലേഴ്സ്. ഭീമമായ വിലയും വാഹന വാടകയും കൊടുത്ത് മണ്ണെണ്ണ കടയിൽ എത്തിച്ചാൽ കാർഡ് ഉടമകൾ വാങ്ങുമോ എന്നതാണ്​ ആശങ്ക. ഒരുവിഭാഗം വ്യാപാരികളെ മറ്റ് താലൂക്കിൽ വിട്ട് മണ്ണെണ്ണ എടുപ്പിക്കാനും അധികൃതർ നിർബന്ധിക്കുന്നു. ഇത് വ്യാപാരികൾക്ക് വൻ നഷ്ടമുണ്ടാക്കുന്നു. ഇത്തരം നടപടി പ്രതിഷേധാർഹമാണെന്നും താലൂക്ക് കമ്മിറ്റി ഭാരവാഹികൾ പറഞ്ഞു. പ്രസിഡൻറ് അബ്ദുൽ നയാസ്, പി.എസ്. രഞ്ചൻ പി.വൈ. ഹാരിസ് എന്നിവർ സംസാരിച്ചു.