പൊതുപൈപ്പിൽ ടാപ്പിന്​ പകരം കുപ്പി

പീരുമേട്: പൊതുവിതരണ പൈപ്പിൽനിന്ന്​ വെള്ളം ശേഖരിക്കാൻ​ ടാപ്പായി ഉപയോഗിക്കുന്നത്​ മിനറൽ വാട്ടർ കുപ്പി. ജലവിതരണ അതോറിറ്റിയുടെ പീരുമേട് പഴയ പാലത്തിന് സമീപത്തെ പൈപ്പിലാണ് വെള്ളം ശേഖരിക്കാൻ ടാപ്പായി കുപ്പി ഉപയോഗിക്കുന്നത്. പൈപ്പിലെ ടാപ്പ് നശിച്ച് വെള്ളം പാഴായപ്പോഴാണ് നാട്ടുകാർ കുപ്പി ഘടിപ്പിച്ചത്. ഇതു​മൂലം പമ്പ് ചെയ്യുമ്പോൾ ലിറ്ററുകണക്കിന് വെള്ളം പാഴാകുകയാണ്​. ഒരാഴ്ചയിലധികമായി ഇങ്ങനെ വെള്ളം പാഴായിട്ടും ജലവിതരണ അതോറിറ്റി ടാപ്പ് ഘടിപ്പിക്കാൻ നടപടി സ്വീകരിച്ചിട്ടില്ല. idl_ pmd - 1 പൊതു പൈപ്പിൽ മിനറൽ വാട്ടർ കുപ്പി ടാപ്പായി ഘടിപ്പിച്ചിരിക്കുന്നു