ഈസ്റ്റർ: പള്ളികളിൽ തിരുക്കർമങ്ങളും കുർബാനയും

കട്ടപ്പന: യേശുവിന്‍റെ ഉയിർത്തെഴുന്നേൽപിനെ അനുസ്മരിച്ച്​ വിശ്വാസികൾ ഞായറാഴ്ച ഈസ്റ്റർ ആഘോഷിക്കും. ദേവാലയങ്ങളിൽ വെളുപ്പിനെ മൂന്നിന് ഉയിർപ്പ്​ തിരുക്കർമങ്ങളും കുർബാനയും പ്രദക്ഷിണവും നടക്കും. കട്ടപ്പന സെന്‍റ്​ ജോർജ് ഫൊറോന ദേവാലയത്തിൽ വെളുപ്പിനെ മൂന്നിന് നടക്കുന്ന ഈസ്റ്റർ തിരുക്കർമങ്ങൾക്കും പ്രദക്ഷിണത്തിനും ഫൊറോന വികാരി വിൽഫിച്ചൻ തെക്കേവയലിൽ നേതൃത്വം നൽകും. രാവിലെ 5.45നും 7.30നും 9.15നും 11നും കുർബാന ഉണ്ടായിരിക്കും. വെള്ളയാംകുടി സെന്‍റ്​ ജോർജ് ഫൊറോന ദേവാലയത്തിൽ നടക്കുന്ന പാതിരകുർബാനക്കും ഈസ്റ്റർ തിരുക്കർമങ്ങൾക്കും ഫൊറോന വികാരി തോമസ് മണിയങ്ങാട്ട്, സഹവികാരിമാരായ എബ്രഹാം കൊച്ചുപറമ്പിൽ, സാവിയോ കാട്ടുപാലം തുടങ്ങിയർ നേതൃത്വം നൽകും.