വാനും ബൈക്കും കൂട്ടിയിടിച്ച് യുവാവിന്​ ഗുരുതര പരിക്ക്​

പന്നിമറ്റം: ഇഞ്ചക്കാട്ട് കവലയിൽ വാനും ബൈക്കും കൂട്ടിയിടിച്ച് ബൈക്ക് യാത്രക്കാരനായ യുവാവിന് ഗുരുതര പരിക്ക്. അടൂർ കുന്നേൽ മനോജി‍ൻെറ മകൻ നന്ദകിഷോറിനാണ്​ (18) അപകടത്തിൽ പരി​ക്കേറ്റത്. വെങ്ങല്ലൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. വ്യാഴാഴ്ച വൈകീട്ട് നാലിനാണ് അപകടം. തൊടുപുഴയിൽനിന്ന് വന്ന ബൈക്കും പൂമാലയിൽനിന്ന് വന്ന വാനും തമ്മിലാണ് കൂട്ടിയിടിച്ചത്. വിഷു ആഘോഷിക്കാൻ അടൂരിൽനിന്ന്​ പൂമാലയിലെ അമ്മവീട്ടിലേക്ക്​ വരുകയായിരുന്നു യുവാവ്.