പാനവായന ഓർമകളിലേക്ക്​

നെടുങ്കണ്ടം: നോമ്പുകാലത്ത് ക്രിസ്തീയ ഭവനങ്ങളില്‍ ആചാരമായി അനുഷ്ഠിച്ചുവന്ന പാനവായന ഓര്‍മയാകുന്നു. പതിറ്റാണ്ടുകള്‍ക്ക് മുമ്പ് എല്ലാ ക്രൈസ്തവ ഭവനങ്ങളിലും 50 നോമ്പ്​ ആരംഭിക്കുന്നതോടെ പാനവായന ആചാരമായി അനുഷ്ഠിച്ചുപോന്നിരുന്നു. അതിന് കഴിഞ്ഞില്ലെങ്കിലും നോമ്പി‍ൻെറ പരിസമാപ്തിയോടനുബന്ധിച്ച അവസാന നാല്​ നാളുകളില്‍ നിര്‍ബന്ധമായും പാനവായന നടത്തുമായിരുന്നു. മലമുകളിലെ വീടുകളില്‍ കുടുംബാംഗങ്ങള്‍ സംയുക്തമായി വളരെ ഈണത്തില്‍ നടത്തിയിരുന്ന പാനവായന അടിവാരത്തും റോഡിലും നില്‍ക്കുന്നവര്‍ക്ക് വളരെ വ്യക്തമായി കേള്‍ക്കാനും ആസ്വദിക്കാനും കഴിഞ്ഞിരുന്നു.