അപകടഭീഷണിയായി ആനവിരട്ടിയിലെ കൊടുംവളവ്​

അടിമാലി: കൊച്ചി-ധനുഷ്‌ടി ദേശീയപാതയില്‍ ആനവിരട്ടിക്ക് സമീപം കൊടുംവളവില്‍ പാതയുടെ വീതി വര്‍ധിപ്പിക്കാന്‍ ദേശിയപാത വിഭാഗത്തി​ന്‍റെ ഇടപെടല്‍ വേണമെന്നാവശ്യം. കൊടും വളവോടുകൂടിയ ഈ ഭാഗത്ത് പാതക്ക് വീതി തീരെ കുറവാണ്. നാളുകള്‍ക്ക് മുമ്പിവിടെ മണ്ണ് നീക്കിയെങ്കിലും തുടര്‍ജോലി നടന്നില്ല. മഴക്കാലത്ത് മണ്ണിടിച്ചില്‍ ഭീഷണിനേരിടുന്ന പ്രദേശത്ത് സംരക്ഷണ ഭിത്തി നിര്‍മിച്ച് പാതയുടെ വീതി വര്‍ധിപ്പിക്കുകയും കൊടും വളവിലെ അപകടസാധ്യത ഒഴിവാക്കുകയും വേണമെന്നാണ് യാത്രക്കാരുടെ ആവശ്യം. വീതികുറവുള്ള ഈ ഭാഗത്തുകൂടി പ്രയാസപ്പെട്ടാണ് വാഹനങ്ങള്‍ പരസ്പരം മറികടന്നുപോകുന്നത്. കൊടും വളവായതിനാല്‍ വഴി പരിചിതമല്ലാതെത്തുന്ന വാഹനങ്ങള്‍ അപകടത്തില്‍പ്പെടാനുള്ള സാധ്യതയും ഏറെയുണ്ട്. ദേശീയപാതയില്‍ തിരക്കേറുന്നതോടെ വീതികുറഞ്ഞ ഭാഗത്ത് പലപ്പോഴും ഗതാഗതക്കുരുക്കാണ്​. idl adi 2 road ചിത്രം: ആനവിരട്ടിയിൽ നിര്‍മാണ ജോലി നടത്തേണ്ടഭാഗം