പുതിയ ടെര്‍മിനലില്‍നിന്ന്​ ഇന്നുമുതൽ സർവിസ്​

തൊടുപുഴ: പുതിയ കെ.എസ്.ആർ.ടി.സി ബസ് ടെര്‍മിനലില്‍നിന്ന്​ ബുധനാഴ്ച മുതല്‍ ബസ്​ സര്‍വിസ് ആരംഭിക്കും. ഡിപ്പോ പ്രവര്‍ത്തിച്ചിരുന്ന ലോറി സ്​റ്റാൻഡിൽനിന്ന്​ സ്റ്റേഷന്‍ മാസ്റ്റര്‍ ഓഫിസും വെഹിക്കിള്‍ സൂപ്പര്‍വൈസര്‍ ഓഫിസും ഗാരേജും ഉള്‍പ്പെടെ മാറ്റുന്ന നടപടി പൂര്‍ത്തിയായി. കഴിഞ്ഞ എട്ടിനായിരുന്നു മന്ത്രി ആന്‍റണി രാജു പുതിയ ടെര്‍മിനല്‍ കം ഷോപ്പിങ്​ കോംപ്ലക്‌സ് ഉദ്ഘാടനം ചെയ്തത്. എന്നാല്‍, സര്‍വിസുകള്‍ പഴയ ഡിപ്പോയില്‍നിന്നുതന്നെയാണ് കഴിഞ്ഞ ദിവസങ്ങളില്‍ ഓപറേറ്റുചെയ്തിരുന്നത്. ഓഫിസുകളും ഗാരേജുകളും മാറ്റുന്നതിനുള്ള താമസമാണ് ഇവിടെനിന്ന്​ ബസുകള്‍ ഓപറേറ്റ് ചെയ്യാന്‍ വൈകിയതിനുകാരണം. പുതിയ ഡിപ്പോയില്‍ ടെലിഫോണ്‍ കണക്ഷനും ലഭിച്ചു. ഇതോടെയാണ് പ്രവര്‍ത്തനം തുടങ്ങുന്ന​ത്. മന്ത്രി ഉദ്ഘാടനദിവസം പ്രഖ്യാപിച്ച പുതിയ തിരുവനന്തപുരം, ആലപ്പുഴ സര്‍വിസുകളും കഴിഞ്ഞ ദിവസം മുതല്‍ ആരംഭിച്ചിരുന്നു. എന്നാല്‍, പുതിയ ഡിപ്പോയില്‍ യാത്രക്കാര്‍ക്ക്​ മതിയായ ഇരിപ്പിടം ഉള്‍പ്പെടെ അടിസ്ഥാന സൗകര്യമില്ലെന്ന് ആക്ഷേപമുയര്‍ന്നിട്ടുണ്ട്. അതേസമയം, ഇരിപ്പിടങ്ങൾ പലരും സ്​പോൺസർ ചെയ്തിട്ടുണ്ടെന്നും നടപടി പുരോഗമിക്കുകയാണെന്നും കെ.എസ്​.ആർ.ടി.സി അധികൃതർ പറഞ്ഞു. വട്ടവടയിൽ ഹരിതരശ്മി പദ്ധതിക്ക്​ തുടക്കം തൊടുപുഴ: വട്ടവടയുടെ കാർഷികസ്വപ്നങ്ങൾക്ക് കരുത്തേകാൻ ഹരിതരശ്മി പദ്ധതിക്ക് തുടക്കമായി. കേരളസർക്കാർ പട്ടികവർഗ വികസനവകുപ്പ്​ സെന്‍റർ ഫോർ മാനേജ്മെന്‍റ്​ ഡെവലപ്​മെന്‍റ്​ മുഖേന നടപ്പാക്കുന്ന പദ്ധതിയാണ് ഹരിതരശ്മി. പട്ടികവർഗ ജനസമൂഹത്തി‍ൻെറ കൈവശമുള്ളതും വിനിയോഗിക്കപ്പെടാതെ കിടക്കുന്നതുമായ ഭൂമിയിൽ വിവിധ കൃഷികൾ പ്രോത്സാഹിപ്പിച്ച്​ കുടുംബവരുമാനത്തി‍ൻെറ ഭാഗമായി കൃഷിയെ മാറ്റിത്തീർക്കുക എന്നതാണ് പദ്ധതിയുടെ ലക്ഷ്യം. വട്ടവട പഞ്ചായത്തിൽ 322 കുടുംബത്തിന്​ കൃഷിചെയ്യുന്നതിനാവശ്യമായ ഉരുളക്കിഴങ്ങ്, വെളുത്തുള്ളി, കാബേജ്, കാരറ്റ്, ബട്ടർ ബീൻസ്​ തുടങ്ങിയ വിത്തുകളുടെ വിതരണോദ്ഘാടനം എ. രാജ എം.എൽ.എ നിർവഹിച്ചു. വട്ടവടസ്വാമിയാർകുടിയിൽ നടന്ന ചടങ്ങിൽ ഇടുക്കി ജില്ല പഞ്ചായത്ത്​ വൈസ്​ പ്രസിഡന്‍റ്​ ഉഷാകുമാരി മോഹൻകുമാർ അധ്യക്ഷത വഹിച്ചു. പരിപാടിയിൽ ഹരിതരശ്മി സ്​റ്റേറ്റ്​ കോഓഡി​നേറ്റർ പി.ജി. അനിൽ വിഷയാവതരണം നടത്തി. ദേവികുളം ഡിവിഷൻ ജില്ല പഞ്ചായത്ത് മെംബർ സി. രാജേന്ദ്രൻ, വട്ടവട പഞ്ചായത്ത് പ്രസിഡന്‍റ്​ ഗണപതി അമ്മാൾ, വൈസ്​ പ്രസിഡന്‍റ്​ കെ. വേലായുധൻ, ബ്ലോക്ക് മെംബർ സുകന്യ ശേഖർ, വാർഡ്​ മെംബർമാരായ ശിവലക്ഷ്മി മുരുകൻ, ആര്യമാല അളകേശൻ, ശശി ശുഭരാജ്, രാജ്ശിവസ്വാമി, സി.എം.ഡി ഡയറക്ടർ ഡോ. ജി. സുരേഷ് എന്നിവർ സംസാരിച്ചു. ​ TDL RAJA വട്ടവടയിൽ ഹരിതരശ്മി പദ്ധതിയുടെ ഉദ്​ഘാടനം എ. രാജ എം.എൽ.എ നിർവഹിക്കുന്നു