കർണാടകയിലെ കവർച്ച: മുട്ടം സ്വദേശി കസ്റ്റഡിയിൽ

മുട്ടം: കവർച്ചക്കേസിൽ സഹായിയായി പ്രവർത്തിച്ചെന്ന്​ സംശയിക്കുന്ന മുട്ടം സ്വദേശിയെ കർണാടക പൊലീസ് കസ്റ്റഡിയിലെടുത്തു. വ്യാഴാഴ്ച രാത്രി 10.30ഓടെ ചള്ളാവയലിലെ വീട്ടിലെത്തിയാണ് യുവാവിനെ കസ്റ്റഡിയിൽ എടുത്തത്. കർണാടകയിൽ നടന്ന ഒരു കവർച്ചക്കേസിൽ പിടിയിലായവരുമായി യുവാവിന് ബന്ധമുണ്ടെന്ന സംശയത്തിലാണ് മുട്ടം പൊലീസിന്‍റെ സഹായത്തോടെ കസ്റ്റഡിയിൽ എടുത്തത്. കേസ്​ സംബന്ധിച്ച കൂടുതൽ വിവരം പൊലീസ്​ വെളിപ്പെടുത്തിയിട്ടില്ല.