വഴിമുട്ടി നഗരം

തൊ​ടു​പു​ഴ: തിരക്കൊഴിവാക്കാൻ ഉപ​ദേശക സമിതികളും യോഗങ്ങളുമൊക്കെ ചേരുമെങ്കിലും നടപടി മാത്രമുണ്ടാകുന്നില്ല. അനധികൃത പാർക്കിങ്ങും അശാസ്ത്രീയ ഗതാഗതസംവിധാനങ്ങളും നഗരത്തെ വീർപ്പുമുട്ടിക്കുകയാണ്​. ദി​വ​സ​ങ്ങ​ളാ​യി തു​ട​രു​ന്ന ഗ​താ​ഗ​ത​ക്കു​രു​ക്ക് ന​ഗ​ര​ത്തെ വലക്കുകയാണ്​. ഇ​തി​നി​ടെ ന​ട​ക്കു​ന്ന പ്ര​ക​ട​ന​ങ്ങ​ളും പൊ​തു​യോ​ഗ​ങ്ങ​ളും മൂ​ലം അ​പ്ര​തീ​ക്ഷി​ത​മാ​യി ഗ​താ​ഗ​തം വ​ഴി തി​രി​ച്ചുവി​ടു​ന്ന​തും ജ​ന​ങ്ങ​ളെ ദു​രി​ത​ത്തി​ലാ​ക്കു​ന്നു. അ​ന​ധി​കൃ​ത പാ​ർ​ക്കിങ്ങാണ്​ നഗരം നേരിടുന്ന പ്രധാന വെല്ലുവിളി. ന​ട​പ്പാ​തപോ​ലും കൈ​യേ​റിയാണ്​ പലയിടത്തും വാഹന പാ​ർ​ക്കിങ്​. ട്രാ​ഫി​ക് പൊ​ലീ​സി​നും മു​നി​സി​പ്പ​ൽ അ​ധി​കൃ​ത​ർ​ക്കും നഗരത്തിലെ കുരുക്കിന്​ ശാശ്വത പരിഹാരം കാണാൻ കഴിയാത്തതാണ്​ പ്ര​ശ്നം ഗു​രു​ത​ര​മാ​ക്കു​ന്ന​ത്. നിരവധി ബൈപാസുകളുള്ള നഗരത്തിൽ ശാസ്​ത്രീയ സംവിധാനങ്ങൾ ഏർപ്പെടുത്തിയാൽ ബുദ്ധിമുട്ടില്ലാതെ യാത്ര ചെയ്യാൻ കഴിയും. തൊടുപുഴ-കാഞ്ഞിരമറ്റം ബൈപാസിൽ റോഡിനിരുവശത്തും വാഹന പാർക്കിങ്ങാണ്​. ടാക്സി വാഹനങ്ങളും ഓട്ടോയുമടക്കം റോഡിനിരുവശത്തുമായി പാർക്ക്​ ചെയ്യുന്നതിനാൽ കാൽനടക്കാർക്ക്​ ഇതുവഴി സഞ്ചരിക്കാൻപോലും കഴിയില്ല. പാർക്കിങ്​ നിരോധിച്ച്​ ബോർഡ്​ വെച്ചിരിക്കുന്ന ഇടങ്ങളിൽപോലും വാഹനങ്ങൾ നിർത്തിയിടുന്നതി‍ൻെറ നീണ്ട നിര കാണാം. തി​ര​ക്കും ഗ​താ​ഗ​തസ്തം​ഭ​ന​വും കാ​ര​ണം കു​റ​ച്ചുദൂ​രം സ​ഞ്ച​രി​ക്കാ​ൻപോ​ലും ഏ​റെ സ​മ​യം ചെ​ല​വ​ഴി​ക്കേ​ണ്ടിവരും. അമ്പലം ബൈ​പാ​സ്, മൂ​വാ​റ്റു​പു​ഴ റോ​ഡ്, ഗാ​ന്ധി ​സ്ക്വ​യ​ർ, കെ.എ​സ്.ആ​ർ.​ടി.​സി റോ​ഡ്, ജ്യോ​തി സൂ​പ്പ​ർ​ബ​സാ​ർ, മാ​ർ​ക്ക​റ്റ് റോ​ഡ്, പാ​ലാ റോ​ഡ്, ഇ​ടു​ക്കി റോ​ഡ്, കാ​ഞ്ഞി​ര​മ​റ്റം ബൈ​പാ​സ് തു​ട​ങ്ങി ടൗ​ണി​ൽ പ​ല സ്ഥ​ല​ങ്ങ​ളി​ലും വാ​ഹ​ന​ങ്ങ​ൾ നി​ര​യാ​യി പാ​ർ​ക്ക് ചെ​യ്തി​രി​ക്കു​ക​യാ​ണ്. നാ​ലുഭാ​ഗ​ത്തുനി​ന്നും റോ​ഡു​ക​ൾ വ​ന്നുചേ​രു​ന്ന മോ​ർ ജങ്​ഷ​നി​ൽ വാ​ഹ​ന​ങ്ങ​ൾ ക​ട​ന്നുപോ​ക​ണ​മെ​ങ്കി​ൽ വലിയ പ്രയാസമാണ്​. പൊ​തു​മ​രാ​മ​ത്ത് റ​സ്റ്റ് ഹൗ​സ്, ഡോ. ​എ​.പി.​ജെ. അ​ബ്ദുൽ ക​ലാം ഹ​യ​ർ ​സെ​ക്ക​ൻ​ഡ​റി സ്കൂ​ൾ എ​ന്നി​വക്കു​മു​ന്നി​ലും അമ്പലം റോ​ഡി​ലും ന​ട​പ്പാ​ത കൈ​യേ​റി​യു​ള്ള വാ​ഹ​ന പാ​ർ​ക്കിങ് കാ​ൽ​ന​ട​ക്കാ​രെ ഏ​റെ ബു​ദ്ധി​മു​ട്ടിക്കു​ന്നു​ണ്ട്. അനുദിനം തിര​ക്കേറി വരുന്ന നഗരത്തിൽ ഗതാഗത ബുദ്ധിമുട്ട്​ പരിഹരിക്കാനുള്ള നടപടി നഗരസഭ അധികൃതരും പൊലീസും ചേർന്ന്​ സ്വീകരിക്കണമെന്നാണ്​ ആവശ്യം. TDL THIRAKKU ​തൊടുപുഴ നഗരത്തിൽ കഴിഞ്ഞ ദിവസം അനുഭവപ്പെട്ട തിരക്ക്​