ക്ലാരമ്മക്കും റോസമ്മക്കും വേണം അടച്ചുറപ്പുള്ള വീട്​

നെടുങ്കണ്ടം: മഴയത്ത് ചോര്‍ന്നൊലിക്കുന്ന ഇടിഞ്ഞുവീഴാറായ വീട്. വീട് തകർന്നാല്‍ അപകടം പറ്റാതിരിക്കാന്‍ കിടക്കുന്ന കട്ടിലിന് ഏതിര്‍വശത്ത് മേശയില്‍ തടികസേര ഇട്ടിരിക്കുകയാണ്. കഴുക്കോല്‍ ഒടിഞ്ഞാല്‍ ഇതില്‍തട്ടി നില്‍ക്കണം. ഇത്തരത്തിൽ ഭയന്നു വിറച്ച് സുരക്ഷിതമല്ലാത്ത വീട്ടിൽ അന്തിയുറങ്ങുന്നത് വയോധിക സഹോദരിമാരാണ്​​. നെടുങ്കണ്ടം ഗ്രാമപഞ്ചായത്ത് 19 ആം വാര്‍ഡില്‍ എഴുകുംവയല്‍ ഈറ്റോലികവലയില്‍ സഹോദരിമാരായ ഈറ്റോലില്‍ ക്ലാരമ്മ (67), റോസമ്മ (63) എന്നിവരാണ് ഇടിഞ്ഞു വീഴാറായ വീട്ടില്‍ സഹായത്തിനാരുമില്ലാതെ കഴിയുന്നത്. ക്ലാരമ്മയുടെ ഭര്‍ത്താവ് മരണപ്പെട്ടു. റോസമ്മയുടെ ഭര്‍ത്താവ് ഉപേക്ഷിച്ചുപോയി. ഇരുവര്‍ക്കും കൂടി 35 സെന്‍റ്​ സ്ഥലമുണ്ട്. പെന്‍ഷന്‍ തുകയും പശുവിനെയും മുയലിനെയും വളര്‍ത്തിയും കിട്ടുന്ന വരുമാനമാണ്​ ഇവരുടെ ഉപജീവനം. കഴിഞ്ഞ 10 വര്‍ഷമായി തുടര്‍ച്ചയായി വീടിന് അപേക്ഷ നല്‍കുന്നു. ശിഷ്ട കാലമെങ്കിലും ഭയന്നുവിറക്കാതെ തലചായ്ക്കാന്‍ ഒരു വീട് മാത്രം വേണമെന്നാണ് ഇവരുടെ ആവശ്യം. idl ndkm നിലംപൊത്താറായ വീട്ടില്‍ കഴിയുന്ന വയോധിക സഹോദരിമാര്‍