വികസനപാതയിൽ പൂമാംകണ്ടം

ചെറുതോണി: വാത്തിക്കുടി പഞ്ചായത്തിലെ പൂമാംകണ്ടം വാർഡിൽ വിവിധ വികസന പദ്ധതികളിൽ 90 ശതമാനവും പൂർത്തിയായി. റോഡിനും കുടിവെള്ളത്തിനും മുൻഗണന നൽകി കഴിഞ്ഞ സാമ്പത്തികവർഷം 54 ലക്ഷം രൂപ ചെലവഴിച്ചു. ജലക്ഷാമം രൂക്ഷമായ ഈ പ്രദേശത്ത് അഞ്ച്​ കുടിവെള്ള പദ്ധതികളാണ്​ പൂർത്തീകരിക്കാനുണ്ടായിരുന്നത്. ഇതിൽ ശുചിത്വമിഷനുമായി ചേർന്ന് നിർമാണം നടന്നുവരുന്ന ആന്‍റൊപുരം പദ്ധതി അവസാനഘട്ടത്തിലാണ്. 480ലധികം കുടുംബങ്ങളുള്ള വാർഡിൽ കോട്ടക്കൽമല പാറ സിറ്റി കുടിവെള്ള പദ്ധതിയും പൂർത്തീകരണത്തോട്​ അടുക്കുകയാണ്​. ലൈഫ് പദ്ധതിയിൽ 46 അപേക്ഷകളാണ്​ ലഭിച്ചത്​. ഇതിൽ തീർത്തും നിർധനരായ ആറ്​ കുടുംബങ്ങൾക്ക്​ വീട് നിർമിച്ചുനൽകി. 26 ലക്ഷം രൂപ മുടക്കി നിർമിക്കുന്ന പകുതിപ്പാലം-പൂമാംകണ്ടംതേക്കിൻ തണ്ട് റോഡിന്‍റെ ജോലികളും പൂർത്തിയായി. പൂമാംകണ്ടം-കോട്ടക്കല്ലിമല റോഡ് കോൺക്രീറ്റിന് അഞ്ചുലക്ഷവും നെല്ലിവേലിപ്പടി-കോട്ടക്കല്ലള റോഡിന്​ അഞ്ചുലക്ഷവും അനുവദിച്ചിട്ടുണ്ട്​. ആന്‍റോപുരം ഗൗരി സിറ്റി റോഡിന്‍റെ നിർമാണജോലികളും ആരംഭിക്കുമെന്ന് വാർഡ്​ അംഗം പ്രദീപ് ജോർജ് പറഞ്ഞു