വീട്ടമ്മക്ക്​ വാഹനാപകടത്തിൽ പരിക്ക്​

ചെറുതോണി: നടന്ന്​ പോകുകയായിരുന്ന വീട്ടമ്മയെ പിന്നിൽ നിന്ന്​ അമിതവേഗത്തിലെത്തിയ കാർ ഇടിച്ചു തെറിപ്പിച്ചു. മേലേച്ചിന്നാർ സ്വദേശിനി ഈറ്റയ്ക്കൽ ലളിത സുരേന്ദ്രനാണ് (64)​ ഗുരുതരമായി പരിക്കേറ്റത്​. തോപ്രാംകുടി മേലേച്ചിന്നാർ റോഡിൽ നാലുതൂണിന് സമീപം ശനിയാഴ്ച രാവിലെയാണ് സംഭവം. മേലേച്ചിന്നാർ ഭാഗത്ത്​ നിന്ന്​ പാഞ്ഞുവന്ന ഹ്യൂണ്ടായ് സാൻട്രോ കാറാണ് വഴിയോരത്തുകൂടി നടന്ന്​ പോവുകയായിരുന്ന ലളിതയെ ഇടിച്ചു തെറിപ്പിച്ചത്. ലളിതയെ പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു.