രക്ഷപ്പെട്ട ഫിലിപ്പിനെ പിടികൂടിയത് വാഹനം കുറുകെയിട്ട്​

മുട്ടം: മൂലമറ്റത്ത്​ വെടിയുതിർത്തശേഷം രക്ഷപ്പെട്ട ഫിലിപ്പിനെ മുട്ടം പൊലീസ് പിടികൂടിയത് ജീപ്പ് കുറുകെയിട്ട്. കൃത്യത്തിനുശേഷം ഇവിടെനിന്ന്​ KL 38F5004 എക്കോസ്‌പോട്ട് കാറിലാണ്​ പ്രതി സ്ഥലത്തുനിന്ന്​ കടന്നത്​. വിവരം കാഞ്ഞാർ പൊലീസ് സമീപത്തെ സ്റ്റേഷനുകളിൽ അറിയിച്ചു. തുടർന്ന്​, മുട്ടം പൊലീസ് രണ്ട്​ വാഹനങ്ങളിലായി ഇൻസ്പെകടർ ശിവകുമാറിന്‍റെ നേതൃത്വത്തിൽ മുട്ടത്ത് കാത്തുനിന്നു. ഫിലിപ്പിന്‍റെ കാർ എത്തുന്നതുകണ്ട പൊലീസ് വാഹനം കുറുകെയിട്ട്​ പിടികൂടുകയായിരുന്നു. നിറതോക്കുമായി എത്തിയ ഫിലിപ്പിനെ അനുനയിപ്പിച്ച് കാറിൽ നിന്നിറക്കി പൊലീസ് സ്റ്റേഷനിലേക്ക് നടത്തിക്കൊണ്ടുപോയി. പരിക്കേറ്റ ഫിലിപ്പിന്​ തൊടുപുഴ ജില്ല ആശുപത്രിയിലെത്തിച്ച് പ്രാഥമിക ശുശ്രൂഷ നൽകി. പുലർച്ച 4.15ന് കാഞ്ഞാർ പൊലീസ് സ്റ്റേഷനിലെത്തിച്ചു. tdl mltm 9 പ്രതി ഫിലിപ് സഞ്ചരിച്ച കാർ നാട്ടുകാർ തല്ലിത്തകർത്ത നിലയിൽ