വേനൽമഴയിൽ വ്യാപക നാശം

തൊടുപുഴ: കൊടും ചൂടിന് ആശ്വാസമായി പെയ്ത വേനല്‍ മഴയെത്തുടർന്നുണ്ടായ കാറ്റി​ൽ അങ്ങിങ്ങ്​ നാശം. വ്യാഴാഴ്ച വൈകീട്ട്​ നാലോടെയാണ് തൊടുപുഴയിലും പരിസരങ്ങളിലും കനത്ത മഴ പെയ്തത്. ഒരു മണിക്കൂറോളം പെയ്ത മഴയോടൊപ്പം കനത്ത കാറ്റാണ്​ വീശിയത്​. പലയിടങ്ങളിലും കൃഷിനാശം സംഭവിച്ചു. നഗരത്തില്‍ ഒട്ടേറെ സ്ഥാപനങ്ങളുടെ ബോര്‍ഡുകളും മറ്റും കാറ്റില്‍ മറിഞ്ഞു വീണു. മരം ഒടിഞ്ഞുവീണും നാശനഷ്ടം സംഭവിച്ചിട്ടുണ്ട്. കല്ലാനിക്കല്‍ സെന്‍റ്​ ജോര്‍ജ് ഹയര്‍ സെക്കന്‍ഡറി സ്‌കൂളിന്‍റെ ചുറ്റുമതില്‍ തകര്‍ന്നുവീണു. സമീപത്ത് ആരുമില്ലാതിരുന്നതിനാല്‍ അപകടം ഒഴിവായി. പല മേഖലയിലും വാഴയും കപ്പയും നശിച്ചിട്ടുണ്ട്. തൊടുപുഴ നഗരത്തില്‍ ശക്തമായ മഴയെത്തുടര്‍ന്ന് റോഡുകളില്‍ വെള്ളക്കെട്ടുണ്ടായി. തൊടുപുഴയാര്‍ ഉള്‍പ്പെടെ ജലസ്രോതസ്സുകളില്‍ നീരൊഴുക്ക്​ കൂടി. TDL KALLANICKAL കനത്ത മഴയിൽ കല്ലാനിക്കൽ സെന്‍റ്​ ജോർജ് ഹയർ സെക്കൻഡറി സ്കൂളിന്‍റെ ചുറ്റുമതിൽ തകർന്ന നിലയിൽ