സമ്മർ കോച്ചിങ് ക്യാമ്പ്​ ഇന്ന്​ മുതൽ

കട്ടപ്പന: ചേറ്റുകുഴി നവജീവൻ സൈക്ലിങ് ക്ലബിന്‍റെ സമ്മർ കോച്ചിങ് ക്യാമ്പ്​ ഉദ്ഘാടനം വ്യാഴാഴ്ച വൈകീട്ട്​ മൂന്നിന് ചേറ്റുകുഴി പഞ്ചായത്ത് സ്‌റ്റേഡിയത്തിൽ നടക്കും. ഇതോടനുബന്ധിച്ച്​ കലാ, കായിക, സാഹിത്യ വിദ്യാഭ്യാസ മേഖലകളിൽ മികവ് തെളിയിച്ച പ്രതിഭകളെ ആദരിക്കുന്ന ചടങ്ങ് മന്ത്രി റോഷി അഗസ്റ്റിൻ ഉദ്ഘാടനം ചെയ്യും. ജില്ല സൈക്ലിങ് സമ്മർ കോച്ചിങ് ക്യാമ്പിന്‍റെ ഉദ്​ഘാടനം എം.എം. മണി എം.എൽ.എ നിർവഹിക്കും. ഡീൻ കുര്യാക്കോസ് എം.പി സന്ദേശം നൽകും. ജില്ല പഞ്ചായത്ത് പ്രസിഡന്‍റ്​ ജിജി കെ.ഫിലിപ് സർട്ടിഫിക്കറ്റ് വിതരണോദ്ഘാടനം നിർവഹിക്കും. തുടർന്ന് തേനി മുത്തുവും സംഘവും അവതരിപ്പിക്കുന്ന മെഗാ ഗാനമേള. വാർത്തസമ്മേളനത്തിൽ ക്ലബ്​ പ്രസിഡന്‍റ്​ രഘുനാഥൻ കുമ്പളന്താനം, സെക്രട്ടറി മോൻസി മഠത്തിൽ, കൺവീനർ ഷൈൻ ജോസ് കക്കാട്ട്, സൈക്ലിങ് അസോ. ജില്ല കമ്മിറ്റി അംഗം മോഹനൻ കൊച്ചറ എന്നിവർ പ​ങ്കെടുത്തു.