ജോയമ്മ എബ്രഹാം പാമ്പാടുംപാറ പഞ്ചായത്ത് വൈസ് പ്രസിഡന്‍റ്​

നെടുങ്കണ്ടം: പാമ്പാടുംപാറ പഞ്ചായത്ത് വൈസ് പ്രസിഡന്‍റായി കേരള കോണ്‍ഗ്രസ്-എമ്മിലെ ജോയമ്മ എബ്രഹാമിനെ തെരഞ്ഞെടുത്തു. യു.ഡി.എഫിലെ ഉഷ മണിരാജിനെ രണ്ട് വോട്ടിനാണ് പരാജയപ്പെടുത്തിയത്​. ഇടതുമുന്നണി ധാരണ പ്രകാരം വൈസ് പ്രസിഡന്റായിരുന്ന വിജി അനില്‍കുമാര്‍ 14 മാസം പൂര്‍ത്തിയായതിനെത്തുടര്‍ന്ന്​ മാര്‍ച്ച് രണ്ടിന്​ രാജിവെച്ച ഒഴിവിലേക്കായിരുന്നു തെരഞ്ഞെടുപ്പ്. വൈസ് പ്രസിഡന്‍റ്​ പദവിയില്‍ ആദ്യ 14 മാസം സി.പി.ഐ, പിന്നീട് 14 മാസം കേരള കോണ്‍ഗ്രസ്-എം, തുടര്‍ന്നുള്ള 32 മാസം സി.പി.എം എന്നിങ്ങനെയാണ് മുന്നണി ധാരണ. 15ാം വാര്‍ഡ് അംഗമാണ് ജോയമ്മ. പ്രസിഡന്‍റ്​ പദവിയില്‍ സി.പി.എം 32 മാസം, സി.പി.ഐ 14 മാസം, കേരള കോണ്‍ഗ്രസ്-എം 14 മാസം എന്നിങ്ങനെയാണ് ധാരണ. 16 അംഗ ഭരണസമിതിയില്‍ എൽ.ഡി.എഫ്​ ഒമ്പത്​, യുഡി.എഫ്​ ഏഴ്​ എന്നിങ്ങനെയാണ് കക്ഷിനില. idl ndkm ജോയമ്മ എബ്രഹാം