പൈപ്പ്​ പൊട്ടി ജലവിതരണം നിലച്ചു

ചെറുതോണി: ചെറുതോണി പാലം നിർമാണത്തിനിടെ ജല അതോറിറ്റിയുടെ പൈപ്പ് പൊട്ടി കുടിവെള്ള വിതരണം നിലച്ചു. ഗാന്ധിനഗർ ഉൾപ്പെടെ മേഖലകളിലേക്ക് വെള്ളമെത്തിക്കുന്ന പൈപ്പാണ് പൊട്ടിയത്. അശ്രദ്ധമായ പ്രവർത്തനം മൂലമാണ് പൈപ്പ് പൊട്ടിയതെന്നാണ്​ ആരോപണം. നിലവാരം കുറഞ്ഞ പൈപ്പും നിർമാണ വസ്തുക്കളും ഉപയോഗിച്ചതായും ആക്ഷേപമുണ്ട്​. ഗാന്ധിനഗറിൽ മാത്രം ജലഅതോറിറ്റിയുടെ കുടിവെള്ളത്തെ ആശ്രയിക്കുന്നത് 600ഓളം കുടുംബങ്ങളാണ്​.