ഏലക്കാടും പുല്‍മേടും കത്തിനശിച്ചു

നെടുങ്കണ്ടം: ഉടുമ്പന്‍ചോല ആടുകിടന്താനില്‍ സ്വകാര്യ വ്യക്തിയുടെ . തമിഴ്‌നാട് സ്വദേശിയുടെ അര ഏക്കറോളം ഏലക്കാടും പുല്‍മേടുമാണ് കത്തിയത്. ചൊവ്വാഴ്​ച ഉച്ചക്കാണ് തീപിടിത്തമുണ്ടായത്. ഉടന്‍ വിവരം അറിയിച്ചതിനനുസരിച്ച്​ നെടുങ്കണ്ടം അഗ്നിരക്ഷ സേന സ്ഥലത്തെത്തി നാട്ടുകാരുടെ സഹായത്തോടെ തീ അണക്കുകയായിരുന്നു. തേന്‍ എടുക്കാന്‍ പോയവർ തീ ഉപയോഗിച്ച് ഈച്ചയെ കൊന്നശേഷം വലിച്ചെറിഞ്ഞത്​ പുല്‍മേടിൽ വീണതാകാമെന്ന്​ പ്രദേശവാസികള്‍ പറയുന്നു. അഗ്നിരക്ഷ സേനയുടെ രണ്ട് യൂനിറ്റ് വാഹനം രണ്ട് മണിക്കൂര്‍ കൊണ്ടാണ് തീ നിയന്ത്രണവിധേയമാക്കിയത്​. സ്‌റ്റേഷന്‍ ഓഫിസര്‍ സുനില്‍കുമാര്‍, ഫയര്‍മാന്‍മാരായ അജിത്ഖാന്‍, സണ്ണി വര്‍ഗീസ്, പ്രചോദ്, ജിതിന്‍, വിവേക് എന്നിവർ സംഘത്തിലുണ്ടായിരുന്നു.