ഏലം ഇൻഷുറൻസ് കാമ്പയിൻ

അടിമാലി: സ്പൈസസ് ബോർഡും പൊതുമേഖല അഗ്രികൾച്ചറൽ ഇൻഷുറൻസ് കമ്പനിയും മുഖേന നടപ്പാക്കുന്ന ഏലം ഇൻഷുറൻസ് പദ്ധതിയുടെ ഭാഗമായി ബുധനാഴ്ച രാവിലെ 10 മുതൽ രണ്ടുവരെ ശാന്തമ്പാറ ഗ്രാമപഞ്ചായത്ത് ഓഡിറ്റോറിയത്തിൽ കാമ്പയിൻ നടത്തും. ഇൻഷുർ ചെയ്യുന്നതിന് കാർഡമം രജിസ്ട്രേഷൻ നിർബന്ധമാണ്. ആധാറിന്‍റെയും ബാങ്ക് പാസ്​ബുക്കിന്‍റെയും പകർപ്പ്​, കരം അടച്ച രസീത്, കാർഡമം രജിസ്ട്രേഷൻ സർട്ടിഫിക്കറ്റ് പകർപ്പ്​, നോമിനിയുടെ ആധാർ കാർഡ് പകർപ്പ്​ എന്നിവ അപേക്ഷയോടൊപ്പം സമർപ്പിക്കണം. ഇൻഷുറൻസ് തുകയുടെ പ്രീമിയത്തിന്‍റെ 75 ശതമാനം സ്പൈസസ് ബോർഡ് സബ്സിഡി ആയി നൽകും. ഇൻഷുറൻസ് പ്രീമിയം ഹെക്ടറിന് 5310 രൂപയും ഏക്കറിന്​ 2124 രൂപയുമാണ്. ഈ തുകയിൽ 15 ശതമാനം ഗവ. സബ്​സിഡി കർഷകന്‍റെ അക്കൗണ്ടിലേക്ക് തിരിച്ചുനൽകും. ഓൺലൈൻ, യു.പി.ഐ, ജിപേ പേയ്‌മെന്‍റ്​ വഴി തുക അടക്കാം. അവസാന തീയതി: മാർച്ച് 28. വിവരങ്ങൾക്ക്​: 92070 8176, 91 99956 81025.