റോഡരികിലെ മദ്യപാനം ബുദ്ധിമുട്ടാകുന്നു

പീരുമേട്: പഴയപാലത്തിന് സമീപം റോഡ് വക്കിലെ മദ്യപാനവും കഞ്ചാവ് ഉപയോഗവും വഴിയാത്രക്കാർക്ക് ബുദ്ധിമുട്ടാകുന്നു. മദ്യപിക്കാൻ മുതിർന്നവരും സ്കൂൾ വിദ്യാർഥികളും പതിവായി എത്തുന്നതായാണ്​ പരാതി. മദ്യപൻമാരുടെ ശല്യത്തെ തുടർന്ന് സ്ത്രീകൾ ഉൾപ്പെടെ ഇതുവഴി നടക്കാൻ ഭയപ്പെടുകയാണ്​. പൊലീസ്, എക്സൈസ് അധികൃതർ നടപടി സ്വീകരിക്കണമെന്ന് ആവശ്യം ഉയരുന്നു.