വെള്ളാരംകുന്ന്-മ്ലാമല റോഡ് നിർമാണം ഇന്ന് തുടങ്ങും

കുമളി: വെള്ളാരംകുന്ന്- മൂങ്കലാർ രണ്ടാം ഡിവിഷൻ മ്ലാമല റോഡിന്‍റെ നിർമാണോദ്​ഘാടനം ശനിയാഴ്ച വൈകീട്ട് നാലിന് ഡീൻ കുര്യാക്കോസ് എം.പി നിർവഹിക്കും. വെള്ളാരംകുന്ന് മുതൽ പഴയ പാമ്പനാർ വരെ നീളുന്ന റോഡിൽ 8.5 കിലോമീറ്റർ ഭാഗമാണ് ആറ്​കോടി ചിലവിൽ രണ്ടാംഘട്ടമായി പി.എം.ജി.എസ്.വൈയിൽപെടുത്തി അനുവദിച്ചത്. വളരെ വേഗത്തിൽ പീരുമേട്ടിൽ എത്താനും​ ശബരിമല സീസണിൽ അയ്യപ്പഭക്തന്മാർക്ക് ബൈപാസ് റോഡായും ഇത്​ ഉപയോഗിക്കാം. ഉദ്ഘാടന സമ്മേളനത്തിൽ വാഴൂർ സോമൻ എം.എൽ.എ അധ്യക്ഷതവഹിക്കും.