പാലത്തി‍െൻറ കൈവരികള്‍ അപകടാവസ്ഥയിൽ

പാലത്തി‍ൻെറ കൈവരികള്‍ അപകടാവസ്ഥയിൽ അടിമാലി: അടിമാലി ടൗണിനോട് ചേര്‍ന്ന് അപ്‌സരകുന്ന് ഭാഗത്ത് തലമാലി വെള്ളച്ചാട്ടത്തിന് കുറുകെ ഭഗവതിക്കുന്ന് മേഖലയിലേക്ക് പോകുന്ന പാലത്തിന് പുതിയ കൈവരികള്‍ സ്ഥാപിക്കണമെന്നാവശ്യം. നിലവില്‍ ഈ പാലത്തില്‍ ഇരുമ്പുപൈപ്പുകള്‍ കൊണ്ട് കൈവരി സ്ഥാപിച്ചിട്ടുണ്ട്. കാലപ്പഴക്കത്താല്‍ ചിലഭാഗം തകര്‍ന്നു. ഇപ്പോഴുള്ള കൈവരികള്‍ മതിയായ സുരക്ഷ നല്‍കുന്നതല്ലെന്ന് പ്രദേശവാസികള്‍ പറഞ്ഞു. വിദ്യാലയത്തിലേക്ക് കുട്ടികളടക്കം സഞ്ചരിക്കുന്നത് ഈ പാലത്തിലൂടെയാണ്. മഴക്കാലത്ത് പാലത്തിന് കീഴിലൂടെ അതിശക്തമായ വെള്ളമൊഴുക്കനുഭവപ്പെടും. പാലം സ്ഥിതിചെയ്യുന്ന പ്രദേശം പാറക്കെട്ട് നിറഞ്ഞ ഇടംകൂടിയാണ്. അപകട സാധ്യത കണക്കിലെടുത്ത് മതിയായ സുരക്ഷയൊരുക്കുംവിധം പാലത്തില്‍ പുതിയ കൈവരികള്‍ സ്ഥാപിക്കണമെന്നാണ് ആവശ്യം. idl adi 2 palam ചിത്രം: കൈവരികള്‍ ബലപ്പെടുത്തേണ്ട തലമാലി വെള്ളച്ചാട്ടത്തിന് കുറുകെയുള്ള പാലം