ലോറി മറിഞ്ഞ് രണ്ടുപേർക്ക് പരിക്ക്

അടിമാലി: രാജാക്കാട് തേക്കിൻകാനം പാറശ്ശേരി വളവിന് സമീപം ലോറി മറിഞ്ഞ് ഡ്രൈവർക്കും സഹായിക്കും പരിക്കേറ്റു. ആലുവ ചെങ്ങമനാട് പീച്ചനാട് വിജയകുമാർ (60) , ആലുവ പറവൂർ കവല കരോട്ടുകാട്​ ബീരാൻ (70) എന്നിവർക്കാണ്​ പരിക്ക്​.​ തമിഴ്നാട്ടിൽനിന്ന് സിമന്‍റുമായി ബൈസൺവാലി ഭാഗത്തേക്ക് പോയ ലോറിയാണ് ഇന്നലെ വൈകീട്ട്​ അഞ്ചരയോടെ അപകടത്തിൽപെട്ടത്. പരിക്കേറ്റ ഡ്രൈവറെയും സഹായിയെയും അടിമാലി താലൂക്ക് ആശുപത്രിയിൽ പ്രവേശിപ്പിച്ചു.