യുദ്ധഭൂമിയിൽനിന്ന്​ അവർ നാടണഞ്ഞു

ചെറുതോണി: യുദ്ധഭൂമിയിൽനിന്ന്​ ഒടുവിൽ അവർ നാട്ടിലെത്തി. തടിയമ്പാട് മഞ്ഞപ്പാറ വേഴമ്പശേരിയിൽ തോമസ്​കുട്ടിയുടെ മകൾ ജസ്നയും ഷാജിയുടെ മകൾ ശിവപ്രിയയുമാണ്​ എത്തിയത്​. വെള്ളിയാഴ്ച പുലർച്ച രണ്ടിന് ഇവർ വീട്ടിലെത്തി. യുക്രെയ്​നിൽ മലയാളികളായ ആറുപേർ ഉൾപ്പെടെ പതിനഞ്ചോളം ഇന്ത്യൻ വിദ്യാർഥിനികൾ ഇവർ താമസിക്കുന്ന ഫ്ലാറ്റിലുണ്ടായിരുന്നു. എല്ലാവരുംതന്നെ മടങ്ങിയെത്തി. തലക്കുമുകളിൽ യുദ്ധവിമാനങ്ങൾ ചീറിപ്പായുന്ന ഓർമയിലും സുരക്ഷിതമായി മടങ്ങാൻ കഴിഞ്ഞ സന്തോഷത്തിലാണ് വിദ്യാർഥിനികൾ. FOTO TDL UKRAIN തടിയമ്പാട് വേഴമ്പശേരിയിൽ ജസ്ന കൂട്ടുകാരികളോടൊപ്പം നെടുമ്പശ്ശേരി വിമാനത്താവളത്തിലെത്തിയപ്പോൾ