അംഗൻവാടിയില്‍ പാചകവാതക ഗ്യാസിന് തീപിടിച്ചു

നെടുങ്കണ്ടം: ഗ്യാസ് സിലണ്ടര്‍ സ്​റ്റൗവുമായി ഘടിപ്പിക്കുന്നതിനിടെ എഴുകുംവയല്‍ അംഗൻവാടിയിൽ സിലിണ്ടറിന് തീപിടിച്ചു. അയല്‍വാസിയുടെ സമയോചിത ഇടപെടല്‍ വന്‍ അപകടം വഴിമാറി. ഈ സമയത്ത് അംഗന്‍വാടിയില്‍ കുട്ടികളില്ലായിരുന്നു. രാവിലെ പത്തുമണിയോടെയാണ്​ സംഭവം. അംഗൻവാടിയില്‍ ഉപയോഗിച്ചിരുന്ന സിലിണ്ടറിലെ ഗ്യാസ് തീര്‍ന്നതിനാല്‍ മറ്റൊരു സിലണ്ടര്‍ എത്തിച്ച്​ സ്റ്റൗവുമായി ഘടിപ്പിക്കുന്നതിനിടയിലാണ് തീപിടിത്തമുണ്ടായത്. അണക്കാന്‍ ശ്രമിച്ചെങ്കിലും സിലണ്ടറിന് മുകള്‍ഭാഗത്ത് തീപടർന്നുപിടിച്ചു. ഇതിനിടെ സമീപവാസിയായ കുത്തുങ്കല്‍ ബിനോയി എത്തി അംഗൻവാടിയിലുണ്ടായിരുന്നവരെ പുറത്തിറക്കിയ ശേഷം സിലിണ്ടറും പുറത്തേക്കിറക്കി. നെടുങ്കണ്ടം, കട്ടപ്പന അഗ്നിശമന സേനയേയും വിവരം അറിയിച്ചു. ഇതിനിടെ സിലണ്ടറിലെ തീ സ്വയം നിന്നു.