മൂന്നാറിൽ ഹരിത കർ​മസേന പ്രവർത്തനം തുടങ്ങി

മൂന്നാര്‍: ശുചിത്വപ്രവര്‍ത്തനങ്ങള്‍ കൂടുതല്‍ കാര്യക്ഷമമായി നടപ്പാക്കാൻ രൂപവത്​കരിച്ച ഹരിത കര്‍മസേനയുടെ ഉദ്ഘാടനം എ. രാജ എം.എല്‍.എ നിര്‍വഹിച്ചു. മൂന്നാര്‍ ടൗണിനോട്​ ചേര്‍ന്ന പഞ്ചായത്തിലെ 10ാം വാര്‍ഡായ ഇക്കാനഗറിലായിരുന്നു പരിപാടി. ഹരിതകര്‍മ സേനാംഗങ്ങള്‍ക്ക് യൂനിഫോം നല്‍കിയായിരുന്നു പ്രവര്‍ത്തനോദ്ഘാടനം. യു.എന്‍.ഡി.പി, ഹരിത കേരള മിഷന്‍, കുടുംബശ്രീ, മാലിന്യമുക്ത കേരളം, ഹില്‍ദാരി എന്നിവയുടെ സഹകരണത്തോടെയാണ് പദ്ധതി നടപ്പാക്കുന്നത്. ദേവികുളം സബ് കലക്ടര്‍ രാഹുല്‍ കൃഷ്ണശര്‍മ മുഖ്യാതിഥിയായി. ബ്ലോക്ക്​ പഞ്ചായത്ത് പ്രസിഡന്‍റ്​ ആനന്ദറാണി ദാസ്, ജില്ല പഞ്ചായത്ത് അംഗം എം. ഭവ്യ, മൂന്നാര്‍ പഞ്ചായത്ത് പ്രസിഡന്‍റ്​ പ്രവീണ രവികുമാര്‍ എന്നിവര്‍ പങ്കെടുത്തു. ചിത്രം 1 ഹരിത സേനാംഗങ്ങള്‍ക്ക് എ. രാജ എം.എൽ.എ യൂനിഫോം നല്‍കുന്നു