പൾസ് പോളിയോ തുള്ളിമരുന്ന്​ വിതരണം ഇന്ന്​

ചെറുതോണി: പള്‍സ് പോളിയോ ഇമ്യൂണൈസേഷന്‍ 2022 ജില്ലയില്‍ ഞായറാഴ്ച നടത്തുന്നതിന്​ ഒരുക്കം പൂര്‍ത്തിയായതായി ഡി.എം.ഒ അറിയിച്ചു. അഞ്ചുവയസ്സില്‍ താഴെയുള്ള 69,352 കുട്ടികളാണ് ജില്ലയിലുള്ളത്. രാവിലെ എട്ട്​ മുതല്‍ വൈകീട്ട് അഞ്ചുവരെ കുട്ടികള്‍ക്ക് വാക്സിനേഷന്‍ നല്‍കും. ഇതിനായി 1021 ബൂത്തുകള്‍ക്കു പുറമെ ബസ്​സ്റ്റാൻഡുകള്‍, അന്തർസംസ്ഥാന തൊഴിലാളികളുടെ ക്യാമ്പുകള്‍ എന്നിവിടങ്ങളില്‍ വാക്സിനേഷന്‍ നല്‍കും. കോവിഡ് പോസിറ്റിവായ കുട്ടികളൊഴികെ എല്ലാവർക്കും തുള്ളിമരുന്ന്​ നല്‍കണം. ജില്ലതലത്തില്‍ കലക്ടര്‍ ചെയര്‍മാനും ഡി.എം.ഒ കണ്‍വീനറുമായ ടാക്സ് ഫോഴ്സിന്‍റെ നേതൃത്വത്തില്‍ ആരോഗ്യപ്രവര്‍ത്തകര്‍, ആശാപ്രവര്‍ത്തകര്‍, ആരോഗ്യസന്നദ്ധ പ്രവര്‍ത്തകള്‍ ഉള്‍പ്പെടെ 116 സൂപ്പര്‍വൈസര്‍മാരും 2042 ബൂത്തുതല വാക്സിനേറ്റർമാർക്കും പരിശീലനം നല്‍കിയതായി ഡി.എം.ഒ അറിയിച്ചു. ജില്ലതല ഉദ്ഘാടനം കലക്ടര്‍ ഷീബ ജോര്‍ജ് നിർവഹിക്കും.