വ്യാജവിൽപത്രമുണ്ടാക്കി സ്വത്ത്​ തട്ടിയെടുക്കാൻ ശ്രമം; സ്ത്രീ പിടിയിൽ

​തൊടുപുഴ: വ്യാജ വിൽപത്രമുണ്ടാക്കി സ്വത്ത്​ തട്ടിയെടുക്കാൻ ശ്രമിച്ച കേസിൽ സ്ത്രീ അറസ്റ്റിൽ. നിയമപരമായി വിവാഹം കഴിക്കാതെ കൂടെ താമസിച്ചയാൾ മരിച്ച ശേഷം വ്യാജവിൽപത്രമുണ്ടാക്കി സ്വത്ത്​ തട്ടിയെടുക്കാൻ ശ്രമിച്ച കേസിലാണ്​ കുടയത്തൂർ മണ്ണത്തൂർ റോസ്​ലി ജേസഫിനെ (55) പൊലീസ്​ അറസ്​റ്റ്​ ചെയ്തത്​. ഇവർ ഹാജരാക്കിയ വിൽപത്രത്തെക്കുറിച്ച്​ ബന്ധുക്കൾ സംശയം പ്രകടിപ്പിച്ചു. തുടർന്ന്​ കോടതി നിർദേശപ്രകാരം ഫോറൻസിക്​ ലബോറട്ടറിയിൽ നടത്തിയ പരിശോധനയിലാണ്​ വിൽപത്രം വ്യാജമാണെന്ന്​ കണ്ടെത്തിയത്​. തുടർന്ന്​​ ഇവരെ കോതമംഗലത്തുനിന്നാണ്​ എസ്​.എച്ച്​.ഒ വിഷ്ണു​ കു​മാറിന്‍റെ നേതൃത്വത്തിൽ അറസ്റ്റ്​ ചെയ്​തത്. ​TDL ROSILY JOSEPH ​റോസ്​ലി ജോസഫ്​ കഞ്ചാവ് കേസില്‍ നാലുവര്‍ഷം കഠിനതടവ് തൊടുപുഴ: 1.200 കിലോ കഞ്ചാവ് കടത്തിയ കേസില്‍ പ്രതിക്ക് നാലുവര്‍ഷം കഠിനതടവും ഒരു ലക്ഷം പിഴയും ശിക്ഷ. ഈരാറ്റുപേട്ട നടയ്ക്കല്‍ ആനയിളപ്പ് പാറേപറമ്പില്‍ വീട്ടില്‍ അന്‍സീബ് കരീമിനെയാണ് (28) തൊടുപുഴ എൻ.ഡി.പി.എസ്​ കോടതി ജഡ്ജി ജി. അനില്‍ ശിക്ഷിച്ചത്. പിഴ അടച്ചില്ലെങ്കില്‍ ഒരു വര്‍ഷംകൂടി കഠിനതടവ് അനുഭവിക്കണം. 2018 ജൂണ്‍ 27നാണ് കേസിനാസ്പദമായ സംഭവം. കാഞ്ഞിരപ്പള്ളി മിനിസിവില്‍ സ്റ്റേഷന്റെ സമീപത്തെ മുക്കാടന്‍ റോഡില്‍നിന്നാണ് കഞ്ചാവ് പിടികൂടിയത്. ഈരാറ്റുപേട്ട എസ്​.ഐ ആയിരുന്ന എ.എസ്​. അന്‍സലും സംഘവും ചേര്‍ന്നാണ് പിടികൂടിയത്. കാഞ്ഞിരപ്പള്ളി ഇന്‍സ്‌പെക്ടര്‍ ഷാജു ജോസ് അന്വേഷണം നടത്തി കുറ്റപത്രം കോടതിയില്‍ സമര്‍പ്പിച്ചു. സ്​പെഷാലിറ്റി ക്ലിനിക്ക്​ തൊടുപുഴ: സ്മിത മെമ്മോറിയൽ ഹോസ്പിറ്റൽ ആൻഡ്​ റിസർച്​ സെന്‍ററും ആസ്റ്റർ മെഡ്​സിറ്റിയും ചേർന്ന്​ തിങ്കൾ മുതൽ ശനിവരെയുള്ള ദിവസങ്ങളിൽ അസ്ഥിരോഗ വിഭാഗത്തിൽ സ്​പെഷാലിറ്റി ക്ലിനിക്ക്​ നടത്തും. ക്ലിനിക്കിന്‍റെ ഉദ്​ഘാടനം ഞായറാഴ്ച രാവിലെ പത്തിന്​ ചലച്ചിത്ര സംവിധായകൻ മേജർരവി നിർവഹിക്കും. തിങ്കൾ മുതൽ ​ശനിവരെയുള്ള ദിവസങ്ങളിൽ വൈകീട്ട്​ നാലുമുതൽ ആറുവരെയാണ്​ ഡോക്ടർമാരുടെ സേവനം പൊതുജനങ്ങൾക്ക്​ ആശുപത്രിയിൽ ലഭിക്കുകയെന്ന്​ അധികൃതർ വാർത്തസമ്മേളനത്തിൽ അറിയിച്ചു. സ്മിത ഹോസ്പിറ്റലിലെ അസ്ഥിരോഗം മേധാവിയായ ഡോ. ആന്‍റണി ജെ. കണ്ണമ്പിള്ളിയുടെ മേൽനോട്ടത്തിലായിരിക്കും ക്ലിനിക്കിന്‍റെ പ്രവർത്തനവും തുടർചികിത്സയും.