ഡി.വൈ.എഫ്​.ഐ ജില്ല സമ്മേളനം: സ്വാഗതസംഘമായി

ചെറുതോണി: ഡി.വൈ.എഫ്​.ഐ ജില്ല സമ്മേളനം മാർച്ച് 30, 31 തീയതികളിൽ ചെറുതോണിയിൽ ചേരും. സമ്മേളനത്തോട് അനുബന്ധിച്ച് വിവിധ ജാഥകൾ, സെമിനാറുകൾ, രക്തസാക്ഷി കുടുംബസംഗമം എന്നിവ സംഘടിപ്പിക്കും. കോവിഡ് മാനദണ്ഡങ്ങൾ പാലിച്ച് പ്രതിനിധി സമ്മേളനം ചേരും. സ്വാഗതസംഘം രൂപവത്​കരണ യോഗം സി.പി.എം ജില്ല സെക്രട്ടറി സി.വി. വർഗീസ് ഉദ്​ഘാടനം ചെയ്തു. ഡി.വൈ.എഫ്​.ഐ ജില്ല പ്രസിഡന്‍റ്​ പി.പി. സുമേഷ് അധ്യക്ഷത വഹിച്ചു. പി.ബി. സബീഷ് ചെയർമാനും ഡിറ്റാജ് ജോസഫ് കൺവീനറുമായി 251 അംഗ കമ്മിറ്റി രൂപവത്​കരിച്ചു.