ജലസംരക്ഷണ സെമിനാര്‍

തൊടുപുഴ: ഇടുക്കി നെഹ്​റു യുവകേന്ദ്ര ജില്ല യൂത്ത് ക്ലബുമായി ചേര്‍ന്ന് തൊടുപുഴ അല്‍ അസ്ഹര്‍ പോളി ടെക്​നിക് എന്‍.എസ്.എസ് യൂനിറ്റിന്‍റെ സഹകരണത്തോടെ ജല്‍ ജാഗരന്‍ അഭിയാന്‍ ഏകദിന സെമിനാർ സംഘടിപ്പിച്ചു. തൊടുപുഴ ബ്ലോക്ക് പഞ്ചായത്ത് വൈസ് പ്രസിഡന്‍റ്​ എന്‍.കെ. ബിജു ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്‍റ്​ ഷമീന നാസര്‍ അധ്യക്ഷതവഹിച്ചു. പ്രഫ. എന്‍.എ. സെമിമോള്‍, സഞ്ജയ് സജീവന്‍ എന്നിവര്‍ സംസാരിച്ചു. എന്‍. രവീന്ദ്രന്‍ സ്വാഗതവും ധന്യ കെ.തോമസ് നന്ദിയും പറഞ്ഞു. ആഹ്ലാദപ്രകടനം തൊടുപുഴ: തദ്ദേശ സ്വയംഭരണ പൊതു സർവിസ് യാഥാർഥ്യമായതിൽ ആഹ്ലാദം പ്രകടിപ്പിച്ച്​ എൻ.ജി.ഒ യൂനിയൻ, കെ.ജി.ഒ.എ, കെ.എം.സി.എസ്.യു സംഘടനകൾ തദ്ദേശസ്വയംഭരണ സ്ഥാപനങ്ങൾക്ക് മുന്നിൽ പ്രകടനം നടത്തി. പൊതു സർവിസ് പ്രഖ്യാപന ദിവസമായ ശനിയാഴ്ച ജീവനക്കാർ ബാഡ്ജ് ധരിച്ച് ഓഫിസുകളിലെത്തി. ജില്ലയിൽ 53 ഗ്രാമപഞ്ചായത്തുകളിലും എട്ട്​ ബ്ലോക്ക് പഞ്ചായത്തുകളിലും രണ്ട്​ നഗരസഭകളിലും പഞ്ചായത്ത് ഉപഡയറക്ടറേറ്റ്, അഡീഷനൽ ഡെവലപ്മെന്‍റ്​ ഓഫിസ്, ജില്ല പഞ്ചായത്ത് ഓഫസ്, ദാരിദ്ര്യ ലഘൂകരണ യൂനിറ്റ് ഓഫിസ്, ജില്ലയിലെ അഞ്ച്​ പെർഫോമൻസ് ഓഡിറ്റ് ഓഫിസുകൾ എന്നിവിടങ്ങളിൽ ജീവനക്കാർ ബാഡ്ജ്​ ധരിച്ച് പ്രകടനങ്ങൾ നടത്തി. വിവിധ കേന്ദ്രങ്ങളിൽ നടന്ന പ്രകടനങ്ങളെ അഭിവാദ്യം ചെയ്ത് എൻ.ജി.ഒ യൂനിയൻ സംസ്ഥാന സെക്രട്ടേറിയറ്റ്​ അംഗം ടി.എം. ഹാജറ, കെ.ജി.ഒ.എ സംസ്ഥാന സെക്രട്ടറി ഡോ. കെ.കെ. ഷാജി, ഡോ.വി.ബി. വിനയൻ എസ്.സുനിൽ കുമാർ, കെ.കെ. പ്രസുഭകുമാർ, സി.എസ് മഹേഷ്, വി.എസ്.എം. നസീർ, റോബിൻസൺ പി.ജോസ് ജയൻ പി.വിജയൻ എന്നിവർ സംസാരിച്ചു.