നിരത്തുകളിൽ വിദ്യാർഥികളുടെ ബൈക്ക്​ അഭ്യാസം

പീരുമേട്: രാവിലെയും വൈകീട്ടും വിദ്യാർഥികളുടെ ബൈക്കുകളിലെ മത്സര ഓട്ടവും അഭ്യാസവും അപകട ഭീഷണി ഉയർത്തുന്നു. അമിതവേഗത്തിൽ പായുന്ന ഇത്തരം വാഹനങ്ങൾ കാൽനടക്കാർക്ക് ഭീഷണിയാണ്. ദേശീയപാതയിലൂടെ വേഗതയിലെത്തുന്ന ബൈക്കുകൾ പീരുമേട്-സിവിൽ സ്റ്റേഷൻ ഇടുങ്ങിയ റോഡിലൂടെയും ചീറിപ്പായുകയാണ്. നമ്പർപ്ലേറ്റ് വികലമായ രീതിയിൽ എഴുതുക, മഡ്ഗാർഡ് എടുത്തുകളയുക തുടങ്ങി രൂപമാറ്റം നടത്തിയാണ്​ ഇറക്കുന്നത്​. ഇതരസംസ്ഥാനങ്ങളിലെ നമ്പർ പ്ലേറ്റുള്ള ബൈക്കുകൾക്ക് നിയമാനുസൃത രേഖകളുമില്ല. മോട്ടോർ വാഹന വകുപ്പ്​ പരിശോധനകൾ ഉണ്ടാകുമ്പോൾ ഇത്തരം വാഹനങ്ങൾ നിരത്തിൽ കാണാറില്ല. പരിശോധന നിലക്കുമ്പോൾ നിരത്തിലിറങ്ങുന്ന പതിവാണുള്ളത്​.