റോഡില്‍ സുരക്ഷ മാര്‍ക്കിങ്ങുകള്‍ വേണം

നെടുങ്കണ്ടം: കുമളി - മൂന്നാര്‍ സംസ്ഥാനപാത കടന്ന്​ പോകുന്ന നെടുങ്കണ്ടം പട്ടണത്തില്‍ റോഡ് സുരക്ഷക്കായി മാര്‍ക്കിങ്ങുകളുടെ അഭാവം പരിഹരിക്കണമെന്ന്​ നെടുങ്കണ്ടം മര്‍ച്ചന്‍റ്​സ്​ അസോസിയേഷന്‍ പൊതുമരാമത്ത് മന്ത്രിക്ക്​ കത്ത് അയച്ചു. നെടുങ്കണ്ടം ടൗണില്‍ അപകടങ്ങള്‍ വർധിച്ച് വരികയാണ്. രണ്ട് മാസത്തിനിടയില്‍ തുടര്‍ച്ചയായി 4 മരണങ്ങളാണ് സംഭവിച്ചത്. ഇതിന്റെ മുഖ്യ കാരണങ്ങളിലൊന്ന് റോഡിലെ സുരക്ഷ മാര്‍ക്കിങ്ങുകളുടെ അപര്യാപ്തതയാണെന്ന് അസോസിയേഷന്‍ ജന:സെക്രട്ടറി ജയിംസ് മാത്യൂ കത്തില്‍ ചൂണ്ടിക്കാട്ടി.