തൊമ്മൻകുത്ത്​ റോഡിലെ നടയ്ക്കൽ കലുങ്ക് അപകടാവസ്ഥയിൽ

വണ്ണപ്പുറം: തൊമ്മൻകുത്ത് ടൂറിസ്റ്റ്​ കേന്ദ്രത്തിലേക്കുള്ള പ്രധാന പാതയായ വണ്ണപ്പുറം-തൊമ്മൻകുത്ത്​ റോഡിൽ നടയ്ക്കൽ ബസ് സ്റ്റോപ്പിന്​ സമീപത്തെ കലുങ്ക് അപകടാവസ്ഥയിൽ. മൂന്നര പതിറ്റാണ്ടുമുമ്പ്​​ പണിത കലുങ്കാണിത്​. കലുങ്കിന്‍റെ മെറ്റലും കമ്പിയും സിമന്‍റും അടർന്ന നിലയിലാണ്. മാസങ്ങൾക്കുമുമ്പ്​ എറണാകുളത്തുനിന്ന് തൊമ്മൻകുത്ത് കാണാൻ എത്തിയ സഞ്ചാരികളുടെ കാർ ഇവിടെ മറിഞ്ഞിരുന്നു. രാത്രിയായാൽ റോഡിന്റെ ദിശ മനസ്സിലാക്കാൻ കഴിയില്ലെന്ന് ഡ്രൈവർമാർ പറയുന്നു. മാസങ്ങൾക്കുമുമ്പ്​ വരെ ഇവിടെ തെരുവുവിളക്ക് ഉണ്ടായിരുന്നു. ഇപ്പോൾ അതുമില്ല. വണ്ണപ്പുറം, തൊമ്മൻകുത്ത്, കരിമണ്ണൂർ, തൊടുപുഴ മേഖലകളിലേക്ക് പോകുന്ന പ്രധാന പൊതുമരാമത്ത്​ റോഡുകൂടിയാണിത്. ഇതിന് സമീപത്തെ മറ്റൊരു കലുങ്കും അപകടാവസ്ഥയിലാണ്. കലുങ്കുകൾക്ക്​ എന്തെങ്കിലും സംഭവിച്ചാൽ പ്രധാന ടൗണുകളിലേക്കുള്ള ഗതാഗതം നിലക്കും. TDL KALUNKU വണ്ണപ്പുറം നടയ്ക്കൽ കലുങ്കിന്‍റെ അടിഭാഗം കേൺക്രീറ്റ്​ പൊളിഞ്ഞ്​ കമ്പി തെളിഞ്ഞനിലയിൽ പ്രകടനം നടത്തി തൊടുപുഴ: മോട്ടോർ വാഹനവകുപ്പിലെ ജോയന്‍റ്​ ആർ.ടി.ഒ തസ്തികയിലേക്കുള്ള മിനിസ്റ്റീരിയൽ ജീവനക്കാരുടെ ബൈ ട്രാൻസ്ഫർ പ്രമോഷൻ സംരക്ഷിക്കണമെന്നാവശ്യപ്പെട്ട് ജില്ലയിലെ ആർ.ടി ഓഫിസുകൾക്കുമുന്നിൽ എൻ.ജി.ഒ യൂനിയന്‍റെ നേതൃത്വത്തിൽ ജീവനക്കാർ പ്രകടനം നടത്തി. തൊടുപുഴയിൽ നടത്തിയ പ്രകടനം എൻ.ജി.ഒ യൂനിയൻ ജില്ല പ്രസിഡന്‍റ്​ കെ.കെ. പ്രസുഭകുമാർ ഉദ്ഘാടനം ചെയ്തു. ഇടുക്കിയിൽ യൂനിയൻ ജില്ല ജോ.സെക്രട്ടറി വി.എസ്. സുനിലും പീരുമേട്ടിൽ പി.എൻ. ബിജുവും ഉദ്ഘാടനം ചെയ്തു.