നെറ്റ്​വർക്ക് തകരാർ; രജിസ്ട്രേഷൻ മുടങ്ങുന്നു

അടിമാലി: നെറ്റ്​വർക്ക് തകരാർമൂലം രജിസ്ട്രേഷൻ മുടങ്ങുന്നതായി പരാതി. രാജകുമാരി സബ് രജിസ്​ട്രാർ ഓഫിസിലാണ് കഴിഞ്ഞ രണ്ടുദിവസങ്ങളിലും നെറ്റ് തകരാർമൂലം രജിസ്ട്രേഷൻ നടപടികൾ മുടങ്ങിയത്. കൂടെക്കൂടെയുള്ള തകരാർ ആധാരം രജിസ്റ്റർ ചെയ്യാനെത്തിയവരെയടക്കം പലരെയും ബുദ്ധിമുട്ടിലാക്കി. അടിയന്തരമായി തകരാർ പരിഹരിക്കാൻ നടപടി സ്വീകരിക്കണമെന്ന് രജിസ്ട്രേഷനായി എത്തിയവർ ആവശ്യപ്പെട്ടു.