പശുക്കളിൽ പേവിഷബാധ

മൂലമറ്റം: അറക്കുളം പഞ്ചായത്തിൽ കണ്ടെത്തി. അറക്കുളം 12ആം മൈലിൽ രണ്ട്​ പശുക്കളിൽ ലക്ഷണം കണ്ടതിനെ തുടർന്ന് മൃഗസംരക്ഷണ വകുപ്പ് നടത്തിയ പരിശോധനയിലാണ് പേവിഷബാധ സ്ഥിരീകരിച്ചത്. ഒരു പശു ഗൃഹനാഥയുടെ കൈകളിൽ കടിച്ചു. ഇവർ പ്രതിരോധ കുത്തിവെപ്പ്​​ എടുത്തു. കൂടുതൽ വളർത്തുമൃഗങ്ങളിൽ പേവിഷ സാന്നിധ്യം പരിശോധിക്കുമെന്ന് മൃഗസംരക്ഷണ വകുപ്പ് ഉദ്യോഗസ്ഥർ പറഞ്ഞു. ഇത് വന്യമൃഗങ്ങളിൽനിന്ന്​ പടർന്നതാകാമെന്നു സൂചനയുണ്ട്. പ്രദേശത്ത് രാത്രിയിൽ കുറുക്കന്‍റെ സാന്നിധ്യമുണ്ടായിട്ടുണ്ട്. ഇതുവഴിയായിരിക്കാം വിഷബാധ ഏറ്റതെന്ന്​ കരുതുന്നയായി ഉദ്യോഗസ്ഥർ പറയുന്നു.