തടസ്സമായി വനം വകുപ്പ്​; പതിപ്പള്ളി-മേമ്മുട്ടം റോഡിന്‍റെ നിർമാണം മുടങ്ങി

മൂലമറ്റം: വനം വകുപ്പിന്‍റെ തടസ്സത്തെത്തുടർന്ന് പതിപ്പള്ളി മേമ്മുട്ടം വഴി ഉളുപ്പൂണി റോഡിന്‍റെ നിർമാണം മുടങ്ങി. റോഡിന് ഇരുവശത്തും ഐറിഷ് ഓട നിർമിച്ചില്ലെങ്കിൽ റോഡ് പൊളിഞ്ഞുപോകുന്നതിന് സാധ്യതയേറെയാണ്. പക്ഷേ ഓട നിർമാണത്തിന്​ വനം വകുപ്പ്​ തടസ്സം നിൽക്കുന്നെന്നാണ്​ പരാതി. കഴിഞ്ഞ ദിവസം പെയ്ത വേനൽമഴയിൽ കോൺക്രീറ്റിന്‍റെ അടിവശത്തെ മണ്ണ് ഒലിച്ചുപോയി റോഡ് തകരാറിലായിരുന്നു. ഒട്ടേറെ തടസ്സങ്ങളുണ്ടായ ഈ റോഡിന്‍റെ നിർമാണത്തിന് കോടതി വഴി കേസുകൾക്കുശേഷമാണ് നിർമാണം തുടങ്ങാനായത്. എന്നാൽ, ഇപ്പോൾ റോഡിന്‍റെ മുന്നോട്ടുള്ള നിർമാണ ജോലി തടസ്സപ്പെട്ടിരിക്കുകയാണ്. ഐറിഷ് ഓട നിർമിച്ചില്ലെങ്കിൽ റോഡ് തകർന്നുപോകുമെന്നാണ് വിദഗ്​ധർ പറയുന്നത്. tdl mltm 2 കഴിഞ്ഞ ദിവസം പെയ്ത വേനൽമഴയിൽ കോൺക്രീറ്റിന്‍റെ അടിവശത്തെ മണ്ണ് ഒലിച്ചുപോയ നിലയിൽ