വനിത ക്ഷീരകർഷകർക്ക് കാലിത്തീറ്റ വിതരണം

അടിമാലി: നെടുങ്കണ്ടം ബ്ലോക്ക് പഞ്ചായത്തിലെ വനിത ക്ഷീരകർഷകർക്ക് സബ്സിഡി നിരക്കിൽ നൽകുന്ന കാലിത്തീറ്റയുടെ ബ്ലോക്ക്​തല വിതരണോദ്ഘാടനം പ്രസിഡന്റ് കെ.ടി. കുഞ്ഞ് നിർവഹിച്ചു. 40 ലക്ഷം രൂപയുടെ കാലിത്തീറ്റ സബ്​സിഡിയാണ് നൽകുന്നത്. ദിവസവും 10 ലിറ്റർ വരെ പാൽ അളക്കുന്ന അംഗങ്ങൾക്ക് മൂന്നുചാക്ക് കാലിത്തീറ്റയും 20 ലിറ്റർ വരെ അളക്കുന്നവർക്ക് നാലുചാക്കും 20നുമുകളിൽ അളക്കുന്നവർക്ക്​ അഞ്ച്​ ചാക്കും കൈമാറി. സംഘം പ്രസിഡന്റ് ഷാജിമോൻ റാത്തപ്പിള്ളിൽ, സെക്രട്ടറി അനൂപ് എസ്. നായർ, വാർഡ്​ അംഗം പ്രിൻസ് കന്യാക്കുഴി എന്നിവർ പങ്കെടുത്തു. ------- idl adi 2 kali ചിത്രം : വനിത ക്ഷീരകർഷകർക്കുള്ള കാലിത്തീറ്റ വിതരണം നെടുങ്കണ്ടം ബ്ലോക്ക് പഞ്ചായത്ത് പ്രസിഡന്റ് കെ.ടി. കുഞ്ഞ് ഉദ്ഘാടനം ചെയ്യുന്നു