കോവിഡ് കാലത്ത് മുഖം മിനുക്കി തേക്കടി

കുമളി: വിനോദസഞ്ചാര മേഖലയിൽ കോവിഡ് കാലത്തുണ്ടായ പ്രതിസന്ധികൾക്കിടയിലും സഞ്ചാരികളെ ആകർഷിക്കാൻ മുഖം മിനുക്കുകയാണ് തേക്കടി. കോവിഡ്​ നിയന്ത്രണങ്ങളിൽ ഇടക്ക്​ അയവുവന്നതോടെ ഒഴുകിയെത്തിയ സഞ്ചാരികളാണ് തേക്കടിയുടെ വിനോദ സഞ്ചാരമേഖലക്ക്​ വലിയ പ്രതീക്ഷയായത്. തിരക്കൊഴിഞ്ഞ ഘട്ടത്തിൽ ബോട്ട്​ ലാന്‍ഡിങ്ങിലെ തകർന്ന റോഡ് അറ്റകുറ്റപ്പണി നടത്തി വൃത്തിയാക്കി. ഇതോടൊപ്പം മുമ്പ് ബാക്കിയായ ബസ് കാത്തിരിപ്പ്​ കേന്ദ്രത്തിന്‍റെ സംരക്ഷണഭിത്തി നിർമാണവും പൂർത്തിയായി. ബോട്ട്​ ലാൻഡിങ്ങിന്‍റെ പ്രവേശന കവാടമായ ചെക്പോസ്റ്റിനുസമീപം സഞ്ചാരികളെ കാത്തിരുന്ന കടുവ കൂടുതൽ മോടിയിൽ ഇനി വരവേൽക്കും. തേക്കടിയിലേക്ക് നടന്നുപോകുന്ന മിക്ക സഞ്ചാരികളും കടുവയുടെ രൂപത്തിന്​ മുന്നിൽനിന്ന്​ ഫോട്ടോ എടുക്കുന്നത് പതിവാണ്. ഇത് കൂടുതൽ ആകർഷകമാക്കുന്നതിന്‍റെ ഭാഗമായി മുമ്പ് കൂടുതൽ കടുവകളെ നിർമിച്ചിരുന്നു. തേക്കടി പാതയിലെ മുന്നറിയിപ്പ് ബോർഡുകളിൽ വിവിധയിനം പക്ഷികളുടെ ജീവൻ തുടിക്കുന്ന രൂപങ്ങളും ഒരുക്കിയിട്ടുണ്ട്​. കോവിഡ്​ നിയന്ത്രണങ്ങൾ പൂർണമായും നീങ്ങുന്നതോടെ ബോട്ട്​ലാൻഡിങ്ങിൽ നിർമാണം പൂർത്തിയായ കഫേ കെട്ടിടത്തിൽ കൂടുതൽ സൗകര്യം ഒരുക്കും. ........ cap: തേക്കടിയിൽ നിർമാണജോലികൾ പൂർത്തിയായി വരുന്ന കടുവകളുടെ രൂപം ......