മ്ലാവ്​ പുരയിടത്തിൽ അവശനിലയിൽ

ചെറുതോണി: മ്ലാവിനെ പുരയിടത്തിൽ അവശനിലയിൽ കണ്ടെത്തി. കൊച്ചു പൈനാവ് മാറാപിള്ളി കവലക്ക്​ സമീപം പടിഞ്ഞാശ്ശേരിയിൽ ശശിയുടെ പുരയിടത്തിലാണ് ഏഴ്​ വയസ്സ്​ പ്രായമുള്ള ആൺ മ്ലാവിനെ കണ്ടെത്തിയത്. കഴുത്തിലെ ഞരമ്പിന് ക്ഷതമേറ്റതാവാം അവശനിലയിൽ ആകാൻ കാരണമെന്ന്​ സംശയിക്കുന്നു. നാട്ടുകാരും വനപാലകരും ചേർന്ന് ശശിയുടെ പുരയിടത്തിൽ തന്നെ മ്ലാവിനെ ബന്ധിച്ചു. തുടർന്ന് നാരകക്കാനത്തുനിന്ന് ഡോക്ടറെത്തി ചികിത്സ നൽകി. റസ്ക്യൂ റൂമിലേക്ക് മാറ്റാൻ ആവാത്തതിനാൽ സ്ഥലത്തുതന്നെ ചികിത്സ നൽകുകയാണ് വനംവകുപ്പ്. ഭക്ഷണവും വെള്ളവും കഴിക്കാൻ ശ്രമിക്കാത്തതിനാൽ മ്ലാവ് കൂടുതൽ അവശതയിലാണ്. ഫോട്ടോ: മാറാപിള്ളിക്കവല പടിഞ്ഞാശ്ശേരിയിൽ ശശിയുടെ പുരയിടത്തിൽ അവശനിലയിൽ കണ്ടെത്തിയ മ്ലാവ്​