സെൽ-ബി നിർത്തലാക്കരുത് ​-എൻ.ജി.ഒ അസോസിയേഷൻ

പീരുമേട്: പട്ടികജാതി-വർഗ സംവരണ അട്ടിമറി കണ്ടെത്താനുള്ള പൊതുഭരണ വകുപ്പിലെ എംപ്ലോയ്​മെന്റ് സെല്‍-ബി നിര്‍ത്തലാക്കിയ നടപടി പിൻവലിക്കണമെന്ന് എൻ.ജി.ഒ അസോസിയേഷൻ സംസ്ഥാന ജനറൽ സെക്രട്ടറി എം. ഉദയസൂര്യൻ. സര്‍ക്കാര്‍ സർവിസില്‍ പട്ടികജാതി-വര്‍ഗ പ്രാതിനിധ്യം പരിശോധിക്കാനും സ്പെഷല്‍ റിക്രൂട്​മെന്റ് നടപടികള്‍ കാര്യക്ഷമമാക്കാനുമായി രൂപവത്​കരിച്ചതാണ്​ സെൽ. 89 സർക്കാർ വകുപ്പുകളിലായി പട്ടികജാതി-വർഗ വിഭാഗങ്ങൾക്ക് കിട്ടേണ്ട തസ്തികകൾ സംവരണം ചെയ്ത്​ നിയമനനടപടികൾ പൂർത്തിയാക്കുന്നത്​ സെല്‍ 'ബി'യായിരുന്നു. പ്രത്യേക റിക്രൂട്​മെന്‍റ്​ പരിശോധിക്കുന്ന വിഭാഗം നിർത്തലാക്കാനുള്ള തീരുമാനം പുനഃപരിശോധിക്കണമെന്നാവശ്യപ്പെട്ട് മുഖ്യമന്ത്രിക്കും ശക്തമായ ഇടപെടൽ ആവശ്യപ്പെട്ട് പ്രതിപക്ഷ നേതാവിനും വകുപ്പുമന്ത്രിക്കും നിവേദനം നൽകിയതായും ഉദയസൂര്യൻ അറിയിച്ചു.